Ortalyq ulttyq jáne halyqaralyq standarttardyń deńgeıinde óńirlerdiń turǵyndaryna medısınalyq kómek kórsetýge arnalǵan ozyq emdik-dıagnostıkalyq jabdyqtarmen qamtamasyz etilgen.
KSO eresek adamdarǵa 16 mamandyq boıynsha jáne zerthanalyq, sáýlelik, fýnksıonaldyq, endoskopııalyq, ýltradybystyq jáne dıagnostıkanyń basqa da túrleri boıynsha konsýltasııalyq, ambýlatorııalyq-emhanalyq medısınalyq kómek keshenin júrgizedi.
«Qabyldaýdy medısına ǵylymdarynyń doktorlary, kandıdattary jáne kóp jyldyq klınıkalyq jumys ótili bar joǵary sanatty dárigerler júrgizedi. Mamannyń konsýltasııasyn alyp, emdeýdiń taktıkasyn anyqtaı otyryp, patologııaǵa sáıkes zertteý júrgizýge jazylýǵa bolady», – deıdi Konsýltasııalyq-dıagnostıkalyq ortalyqtyń meńgerýshisi, medısına ǵylymynyń doktory Qýat Abzalıev.
Kýat Baıandyuly: «Biz júrek-qantamyr jetispeýshiligi bar pasıenttermen jumys isteımiz, mıokard ınfargine shaldyqqan, júregine ota jasalǵan pasıentterge dınamıkalyq baqylaý júrgizemiz, medısınalyq-áleýmettik saraptama komıssııasyna (MÁSK) konsýltasııalyq qorytyndy beremiz. Qajet bolsa – portal boıynsha KIA ǴZI emdelýge jatqyzý máselesin sheshemiz», – dep atap ótti.
Ortalyqta Densaýlyq jaǵdaıyna profılaktıkalyq zertteý júrgizý baǵdarlamasy men tekserýdi júrgizýdiń jeke baǵdarlamalary qarastyrylǵan. Bul arıtmııanyń birneshe túrleri bar pasıentterge tekserý júrgizýdiń standartty jáne kardıologııalyq baǵdarlamasy; júrek mańaıy aýrýlarynyń birneshe túrlerine shaldyqqan barlyq jastaǵy er adamdar men áıelderge tekserý júrgizý baǵdarlamasy; sportpen shuǵyldanýǵa arnalǵan medısınalyq tekserýdiń baǵdarlamasy; arterııalyq gıpertenzııany anyqtaýdyń korporatıvtik baǵdarlamalary; onkopatologııany anyqtaý, sondaı-aq ókpe aýrýlaryn tekserý baǵdarlamalary. Bul baǵdarlamalarda joǵary bilikti mamandar, professorlyq-oqytýshylar quramy qatysady.
Patologııa beıini boıynsha tekserý baǵdarlamasy júrektiń ıshemııalyq aýrýy, arıtmologııa, júıeli aýrýlar, asqazan-ishek joldary jáne ókpe patologııalaryn, qanaınalym júıesi aýrýlaryn anyqtaý jáne dıagnostıkalaýǵa baǵyttalǵan.
Emsharalardyń sany pasıenttiń jaǵdaıyna baılanysty anyqtalady jáne dáriger ony túzetip otyrady. Bazalyq tekserý pasıent tańdaǵan keste boıynsha 2 jumys kúni ishinde júrgiziledi.
Klıenttiń ózin jaıly sezinýi úshin dáriger pasıentke júrgiziletin medısınalyq tekserý baǵdarlamasynyń barlyǵynda súıemeldep otyrady. Mamannyń taǵaıyndalǵan ýaqytqa daıyndyǵyn, tekserý nátıjeleri nemese pasıenttiń tilegi boıynsha qosymsha zertteýler júrgizý múmkindigin anyqtaıdy. Qorytyndy áńgimelesý kezinde usynymdar beriledi. Instıtýttyń jetekshi mamandary Qazaqstannyń barlyq aımaqtarynda qashyqtan telekonsýltasııa júrgizetindigin atap ótý qajet.
Ortalyq meńgerýshisi, kóptegen jyldardyń tájirıbesi keshendi tekserýdi júrgizýdiń qajettiligi óte joǵary ekendigin kórsetti, sebebi osyndaı qyzmettiń túri joǵary bilikti mamandardyń bolǵan jaǵdaıynda kóp beıindi stasıonarda júrgizile alady, deıdi. Medısınalyq tekserip-qaralýdyń qoljetimdi bolýy qamtamasyz etiledi, ıaǵnı pasıent úshin qolaıly bolatyn kúni men ýaqyty belgilenedi. Pasıentke dınamıkalyq baqylaý júrgiziledi. Dıagnoz qoıylǵan jaǵdaıda emdeýge jatqyzý, ınvazıvtik emes jáne operasııalyq aralasýlardy júrgizý máselesin sheshýge kómek kórsetiledi. Dárigerdiń aıtýynsha, durys tekserilip-qaralý – densaýlyqtyń kepili.
Konsýltasııalyq-dıagnostıkalyq ortalyq tegin medısınalyq kómektiń kepildik berilgen kólemi, aqyly medısınalyq qyzmetter, MÁMS júıesi boıynsha medısınalyq qyzmetter kórsetedi.
Ortalyq janynda terapevtik jáne kardıologııalyq beıindegi 30 tósekke arnalǵan kúndizgi stasıonar uıymdastyrylǵan, munda jyl boıy 2500-den astam pasıent em qabyldaıdy jáne ambýlatorııalyq koronagrafııadan ótedi.
ALMATY
