Jyl sońyna deıin sozylatyn is-sharalar barysynda polısııa men qalalyq bilim berý mekemeleri qyzmetkerlerinen quralǵan top tirkeýde turǵan qolaısyz otbasylar, polısııa esebine alynǵan kámeletke tolmaǵan jasóspirimdermen jeke-dara jumys júrgizedi. Qalalyq bilim berý mekemeleriniń qyzmetkerleri men mektepterdiń áleýmettik pedagogterinen quralǵan top ógeı bala tárbıelep otyrǵan otbasylardyń úılerin aralaýdy da josparǵa engizdi.
Aıta ketý kerek, Aqtóbe oblysynda 186 qolaısyz otbasy, quqyq buzýshylyqqa beıimdigi úshin polısııa esebine alynǵan 150 kámeletke tolmaǵan jasóspirim tirkeýde tur. Sonymen qatar 350 otbasynda 600-ge jýyq ógeı bala tárbıelenip jatyr. Bıylǵy kúz-qys mezgilinde jasóspirimderdiń túngi ýaqytta ata-analarynyń qaraýynsyz kóshede júrý derekteri jıilep ketti. Onyń ústine, qashyqtan oqytýǵa baılanysty mektep muǵalimderi oqýshylardy burynǵydaı jetkilikti deńgeıde baqylaı almaı otyr. Bala tártibi men tárbıesi úshin eń aldymen ata-anasy jaýapty bolsa da, jaǵdaıdy baqylaýdan shyǵaryp alǵan ata-analar qatary kóbeıip bara jatqany alańdatady. Sonyń bir dáleli, osy jyldyń sońǵy toqsanynda ata-analyq mindetin tolyq oryndamaǵan 7 ata-ana ÁQBtK-niń 127-baby boıynsha ákimshilik jaýapkershilikke tartylyp, 11 turmysy nashar otbasy esepke qoıyldy. Munymen birge kámeletke tolmaǵandardyń quqyqtaryn qorǵaý jónindegi komıssııa qaraýyna 23 is jiberildi. Oblystyq Polısııa departamentiniń Jergilikti polısııa qyzmeti basqarmasy Jańa jyl merekesi men oqýshylardyń qysqy kanıkýly kezinde mektep pen kolledj oqýshylary arasyndaǵy quqyqbuzýshylyqtyń aldyn alý maqsatynda jedel-profılaktıkalyq is-sharalardy kúsheıtýdi josparlap otyr.
Aqtóbe oblysy
