Qala ákimi B. Saǵyntaev «Jańa Almaty» keshendi jospary 2019 jyly megapolıs turǵyndarymen ótken kezdesýlerdiń nátıjesi ekenin eske saldy. Onyń basty mindeti – qalanyń ortalyǵy men shetindegi aıyrmashylyqty joıý. «Jańa Almaty» keshendi damý josparynda ınjenerlik jáne jol-kólik ınfraqurylymyn jaqsartý, jaryqtandyrý, áleýmettik nysandardy salý jumystary qarastyrylǵan jáne 2020-2024 jyldarǵa eseptelgen.
Jalpy, osy Jospar aıasynda 350 shaqyrym jol, 4 jol aıryǵy, 6 joldy sozý, 28 baǵdarsham nysany, 55 jaıaý júrginshi ótpeli joly jáne 8 jer asty ótpeli joldary salynady. 194 gektar aýmaqty kógaldandyrý da josparlanǵan.
Máselen, ótip bara jatqan 2020 jyly Keshendi jospar aıasynda 300 shaqyrym sýmen jabdyqtaý jáne káriz jelileri salyndy. Nátıjesinde 50 myń qala turǵyny sýmen jabdyqtaýdyń jáne sýdan burýdyń ortalyqtandyrylǵan júıesine qosyldy. Sonymen qatar, qala shetindegi 965 kóshe jaryqtandyryldy, 42,8 shaqyrym jol salyndy. Qazirgi kezde 4 saıabaq jáne 5 jaıaý júrginshiler aımaqtary abattandyrylýda.
2021 jyly barlyǵy 35 áleýmettik nysandy paıdalanýǵa berý josparlanǵan. Sonymen qatar, 8 mektep pen 21,4 myń oryndy 17 qosalqy nysandardyń qurylystaryn aıaqtaý josparlanýda.
Densaýlyq saqtaý mekemelerine erekshe nazar aýdarylatyn bolady. 2021 jyly №7 qalalyq klınıkalyq aýrýhananyń jańa korpýsy (qosalqy nysan),qýattylyǵy jylyna 80 myń naýqasty qabyldaıtyn aýdanaralyq týberkýlez dıspanseri iske qosylady jáne №6 emhanany kúrdeli jóndeý jáne seısmıkalyq kúsheıtý jumystary aıaqtalady
Bulardan ózge, balalardyń medısınalyq jedel járdem Ortalyǵynyń qabyldaý bóliminiń jańa korpýsyn jáne operasııalyq blogyn salý josparlanýda. Jetisý aýdanynyń «Kemel» yqshamaýdanynda 200 adam qatynaıtyn jáne Túrksib aýdanynyń «Nurshashqan» yqshamaýdanynda 100 adam qabyldaıtyn otbasylyq-dárigerlik ambýlatorııalar salý da qarastyrylǵan.
Sonymen qatar, keler jyldyń II toqsanynda Alataý aýdanynyń Trýdovık yqshamaýdanynda jedel áleýmettik kómek pýnktiniń qurylysy bastalady.
Keler jyly Jetisý aýdanyndaǵy «Aınabulaq-2», Medeý aýdanyndaǵy «Alataý», Túrksib aýdanyndaǵy «Jas-Qanat», Alataý aýdanyndaǵy «Zerdeli», Jetisý aýdanyndaǵy «Kemel» jáne «Qulager» yqshamaýdandarynda 6 deneshynyqtyrý-saýyqtyrý keshenderin salý josparlanýda.
Kólik ınfraqurylymy salasynda Alataý, Naýryzbaı jáne Túrksib aýdandarynyń 7 yqshamaýdandaryndaǵy 317 kóshede jalpy uzyndyǵy 76 shaqyrymnan asatyn jańa joldardyń qurylysy jalǵasady. Bul 60 myń qalalyqtyń kólikke qoljetimdiligin jaqsartady.
Budan ózge,jalpy uzyndyǵy 200 shaqyrym bolatyn joldar jelisiniń jol jamylǵysyn jóndeý josparlanýda. Jalpy qala boıynsha barlyǵy 30 shaqyrymnan astam trotýarlar jóndeledi jáne abattandyrylady, jalpy alańy 280 myń sharshy metrden asatyn jol jamylǵysyna aǵymdaǵy jóndeý jumystary júrgiziledi
Keler jyldyń sońyna deıin Medeý aýdanynyń Dýman yqshamaýdanyndaǵy uzyndyǵy 30,4 shaqyrym bolatyn 59 kóshedegi joldardyń kúrdeli jóndeý jumystary aıaqtalady. О́tip bara jatqan jyly uzyndyǵy 3,7 shaqyrym bolatyn 6 kóshe jóndeldi.
Injenerlik ınfraqurylymdy jaqsartý aıasynda qalanyń 7 aýdanynda sýmen jabdyqtaý jáne sýdy burý jelileriniń qurylystary jalǵasady. Keler jyly jalpy uzyndyǵy 434 shaqyrymnan asatyn sýmen jabdyqtaý jáne sýdan burýdyń 21 jobalaryn aıaqtaý josparlanýda. Sondaı-aq, 2021 jyly 7 kárizdik- sorǵy stansııalarynyń qurylysyn aıaqtaý qarastyrylǵan.
Keshendi jospardy júzege asyrý boıynsha jumystar jalǵasýda.
