Esterińizge sala ketsek, Memleket basshysy Q.Toqaev «О́zderińiz sııaqty ozyq oıly, básekege qabiletti mamandar elimizge óte qajet. Jalpy, bul – jas býyn ókilderiniń jaýapty qyzmetke kelýi úshin jasalyp otyrǵan ıgi bastama. Osy rette ózderińiz sııaqty bilimdi ári talapty azamattarǵa úlken úmit artamyz. Sizder jańa Qazaqstannyń damýyna aıanbaı úles qosasyzdar dep senemin. Elimizdiń aldynda bıik maqsattar tur. Eń aldymen memleketimizdi odan ary órkendetip, táýelsizdigimizdi nyǵaıtýǵa tıispiz. Sondaı-aq, azamattardyń ál-aýqatyn arttyryp, turmys sapasyn jaqsartýymyz kerek» degen edi.
Aıtqandaı, mańyzdy bastama arqyly oı-órisi keń, bilimi tereń, el úshin eńbek etýge qulshynysy joǵary jalyndy jastar rezervi jasaqtalyp jatyr. 2019 jyly Respýblıka boıynsha rezervke iriktelgen 300 jastyń otyzy shyǵysqazaqstandyq edi. Solardyń biri búginde Energetıka jáne turǵyn úı kommýnaldyq sharýashylyǵy basqarmasynyń basshysy qyzmetin atqaryp júrgen – Almat Aqyshov. Prezıdenttik jastar rezervine ótip, jas ta bolsa bas bolyp júrgen Almat Talǵatulymen áńgimelesken edik.
– Egemen elde týǵan soń sizdiń oılaýyńyz da, arman-maqsatyńyz da basqa. El etek-jeńin endi jıyp jatqan kezde es bildińiz, oqydyńyz. Basshylyq qyzmetke top etip tóbeden túspegenińizdi de bilemiz.
– Iá, babalarymyz kórgen qıyndyqty kórmesek te almaǵaıyp zamannyń bir shetin kórip qaldyq. Nesin jasyramyn?! Kishkentaı kúnimizde О́skemenniń shet jaǵyndaǵy jataqhananyń bir bólmesinde turdyq. Úsh balamyz bir úıde. Ortada býrjýıka pesh turatyn. Úshinshi qabattamyz, murjasyn terezeden shyǵaryp qoıǵan. Áke-sheshemiz bolsa, bizdi asyraý úshin tańnyń atysy, keshtiń batysy tabanynan taýsylyp eńbek etedi. Keıin Marqakóldiń Shanaǵatty degen aýylynan úı buzyp alyp kelip, qalaǵa saldyq. Sonda ǵana, toǵyzynshy synyp oqyp júrgende óz bólmem boldy. Ata-anama kómekteseıin dep metall tapsyrdyq, bótelke jınadyq. Tapqan tıyndy úıge alyp keletinmin. Qysqasy, eńbekpen bite qaınasyp óstim. Stýdent kezde ofısıant, shveısar, kondýktor sııaqty jumystardy istedim.
Týra bir jyl buryn Prezıdenttik jastar kadrlyq rezervine ótken soń, 15 qańtarda Prezıdentpen kezdestik. Sodan keıin oblys ákimi Danıal Ahmetovtiń qabyldaýyna kirdim. Sonda ákim istegen qyzmetimniń tizimin qarap otyryp, kóp jerde istepsiń ǵoı dep jyly jymıdy. Sóıtsem álgi qaǵazda shveısar, kondýktor bolyp istegenimniń bári jazylyp tur eken. Sóıtip sol jerden Aıagóz
aýdanyna qyzmetke jiberdi. О́miri bolyp kórmegen aýdanǵa ákimniń orynbasary bolyp, jumysqa bardym.
– «Bılik pen halyq arasyndaǵy ózara senimdi kúsheıtý – mańyzdy mindet» Bul Prezıdentimiz Qasym-Jomart Toqaevtyń sózi. Siz she, memlekettik qyzmette júrip, halyq úmitin aqtaı alyp júrsiz be?
– Qazaqstan Respýblıkasy Prezıdentiniń janyndaǵy Memlekettik basqarý akademııasynda oqyp júrgende, ustazdarymyz «halyqqa jaqyn bolý kerek» degendi únemi mıymyzǵa quıyp otyrdy. Oqýdy bitirgen soń Ulan aýdany ákimdigine apparat jetekshisi bolyp keldim. Sonda aqyldasa otyryp, ákimdik ishinde kóldeneń turǵan tosqaýyl temirdi alǵyzyp tastadyq. Iаǵnı ákimdikke kelgen turǵyndar kedergisiz ishke enedi. Bul psıhologııalyq turǵyda halyqty bılikke jaqyndatý edi. Sonymen qatar birinshi qabatqa ákimniń azamattardy qabyldaý bólmesin jasadyq. Suraqpen kelgen turǵyndardy ákim kúttirip qoımaıdy, kerisinshe, ózi de bir qadam jasap, aldarynan shyǵady. Taǵy bir aıta keterligi, halyqpen birlesip, Aıagózdegi jylý qazandyǵynyń máselesin sheshtik.
– Memlekettik qyzmetkerlerge degen halyqtyń kózqarasy ózgergen. Paraqorlyq, jemqorlyq ta joq emes. Bul jóninde jas kadr retinde ne aıtar edińiz?
– Erteń bireý ákeme kelip, «áı seniń ulyń jarady» dese, eń úlken marapat men úshin sol. Sondyqtan da ózim adal qyzmet etýge tyrysamyn. Oraıy kelgende aıta keteıin, korrýpsııanyń úsh deńgeıi bar eken. Birinshisi – zańnan qorqý, ekinshisi – qoǵamnyń kózqarasynan qorqý, úshinshisi – adamnyń ózinen qorqýy. Mysaly, damyǵan memleketter úshinshisine jetip qoıypty. Ol jaqta kópshilik qyzmetkerler ar-abyroıyn joǵary qoıady. Al biz she, biz tek zańnan qorqamyz. Degenmen, zaman ózgerip keledi. О́zim AQSh, Japonııa, Germanııa syndy memleketterde boldym. Salystyryp qarasam, ol jaqta memlekettik qyzmetkerlerdiń jalaqysy joǵary eken. Meniń oıymsha, jemqorlyqty joıýdyń birden-bir joly – jalaqyny kóterý. Áıtpese ushqyr oıly, bilimdi, minezdi, namysty jastar bar. Olar el úshin eńbek etkisi-aq keledi. Biraq otbasylaryn asyraý úshin joǵary jalaqyly jumystarǵa ketip qalyp jatady.
– Kimderdi ıdeal tutasyz?
– Alashorda kósemi Álıhan Bókeıhandardy aıtamyn, «Ultqa qyzmet etý bilimnen emes, minezden» dep ult múddesi úshin ómirlerin báske tikti. Shyn, bilimiń bola tura, mineziń bolmasa bilimińdi qaıtip paıdalanbaqsyń?! Sondaı-aq shekarany shegelep, jańa astana salyp bergen Elbasymyzdyń eńbegine bas ıemin. Búgingi Prezıdentimiz Qasym-Jomart Kemeluly qandaı sabyrly, baıypty azamat. Kóp jaǵdaıdy ashyq aıtýǵa tyrysady. Oblysymyzdyń ákimi Danıal Kenjetaıulynyń tájirıbesinen kóp úlgi alýǵa bolady. Istiń adamy. Árbireýimiz adal qyzmet etip, artymyzda atymyzdy qaldyrsaq, hatymyzdy qaldyrsaq deımin.
P.S. Iá, «jas kelse, iske» demeı me?! Prezıdenttik jastar kadrlyq rezervine ótken soń eldiń erteńi úshin teńizge tamǵan tamshydaı bolsyn úles qosqan jón shyǵar. Memleket artqan senimdi jastarymyz aqtap jatsa, bolashaǵymyz jarqyn bolary anyq.
Shyǵys Qazaqstan oblysy
