Sýretti túsirgen Bolat Omarálıev
Oqyrman demekshi, keıingilerdiń esine ádebıette óz atyn óshpesteı jazyp ketken Oralhan Bókeı 1943 jyly 28 qyrkúıekte Shyǵys Qazaqstan oblysy Katonqaraǵaı aýdany Shyńǵystaı aýylynda dúnıege kelgenin aıta ketý kerek. Ákesi Bókeı tabıǵatynan qatal, sózge sheshen, rýhy bıik, shynshyl jan bolsa, anasy Kúlııa aqkóńil, aqjarqyn minezimen kópke úlgili bolǵan kisi eken. Otbasynda jalǵyz ul – Oralhan, bes qyz – Sholpan, Áımen, Lázzat, Mánshúk, Ǵalııa dúnıege kelgen. Oralhan dúnıege kelgende surapyl soǵys jyldary bolǵandyqtan, ákesi Oralǵa eńbek maıdanyna attanǵan kez bolatyn. Anasy Kúlııa ákesi eńbek maıdanynan aman-esen oralsyn dep yrymdap, sábıdiń atyn Oralhan dep qoıǵan eken.
Sol Oralhanmen baıyrǵy qyzylordalyq fototilshi Bolat Omarálıevti taǵdyr qalaı toǵystyrdy?
– Jas kezimnen Oralhan Bókeıdiń maǵan aıtpaı jasap júrgen qamqorlyǵyn ishteı sezinip júrýshi edim. Talantty adam talantty tanı biledi degen ras nárse, 1975 jyly naýqastanyp, aýrýhanada jatsam, meni izdep úıge kelipti.
Sáti túsken fotokadrdyń syry mynadaı. 1986 jyly Qyzylorda oblysynda «Qazaq ádebıeti» gazetiniń aptalyǵy ótti. Sonda ǵana Oralhanmen júzbe-júz kezdestim. Oǵan deıin bir-birimizdi kórmegenbiz. Sol bir aptanyń ishinde Qarataýda kúrish oryp jatqan aýyldardy birge araladyq. Myna sýrette Oralhannyń Beıimbet Maılınniń «Shuǵanyń belgisi» povesin jatqa aıtyp turǵan kezi. О́ziniń bir aýyz óleńin jatqa bilmeıtin talaı aqyndy kórip edim, bir povesti bastan aıaq óleńdetip jatqa aıtqandy Oralhannan kórdim, – deıdi sýret avtory.
ALMATY
