Qoǵam • 01 Qańtar, 2021

2021 jyldan bastap elimizde qandaı salyq ózgeristeri bolady?

3053 ret kórsetildi

2020 jyly salyq salasynda da birqatar ózgeris boldy. Ulttyq ekonomıka mınıstri Rýslan Dálenov byltyr qyrkúıek aıynda jańa jyldan bastap salyq tólemderiniń birazy qysqaratynyn málimdegen, dep habarlaıdy Egemen.kz.

El prezıdenti Qasym-Jomart Toqaev ta joldaýda salyq sany tym kóbeıip ketkenin aıtqan.

«Qazir 40-qa jýyq túrli salyq pen tólemder bar. Úkimetke «Atameken» UKP-men birlesip depýtattyq korpýsty qatystyra otyryp salyq mindettemelerin túbegeıli jeńildetý jáne salyqtar men tólemder sanyn azaıtý úshin salyq kodeksi men zańǵa táýeldi aktilerdi qaıta qaraýdy tapsyramyn» degen bolatyn memleket basshysy.

Jaqynda ǵana salyq kodeksine engen ózgeris boıynsha, 1 qańtardan bastap qosymsha qun salyǵy boıynsha esepke qoıýdyń shekti mólsheri 30 myń AEK-ten 20 myń AEK-ke deıin qysqarady. Al bıyldan bastap kópqabatty úı turǵyndary jer salyǵyn tóleýden bosatylady. Osyǵan deıin olar atalǵan salyqty tólep kelgen bolatyn.

Sonymen qatar memleket kólik salyǵyn tóleý merzimin de uzartty. Byltyr 2020 jyldyń 31 jeltoqsanyna deıin tólep úlgerýi kerek bolsa, endi ol merzim 2021 jyldyń 1 sáýirine deıin uzartyldy.

2021 jyldan bastap qazaqstandyqtar zeınetaqy qoryndaǵy jınaǵan qarajatynyń bir bóligin alyp, ony turǵyn úı jaǵdaıyn jaqsartýǵa, emdelýge paıdalana alady. Qazir bul bastamany retteýmen «Otbasy banki» aınalysyp jatyr. Osy oraıda jınaqtan aqsha alý kezinde atalǵan qarajattyń 10 paıyzy jeke tabys salyǵy retinde ustalatyny habarlandy. Dál osy ereje qoǵamda ájeptáýir shý týdyrdy. Degenmen qoǵam qarsylyǵyna qaramastan zań jobasy báribir qabyldanbaq. Iаǵnı, azamattar jeke tabys salyǵyn tóleıdi, alaıda birden emes. Atalǵan tólemdi zeınet demalysyna shyqqannan keıin bólip tóleý qarastyrylyp otyr.

Endi el turǵyndary múlik pen jer salyǵyn birge tóleıdi. Sol arqyly atalǵan salyq túrin tóleý prosesi jeńildetilip otyr.

Pandemııaǵa baılanysty byltyr kishi jáne shaǵyn bıznes ujymdyq tabys salyǵy, jeke tabys salyǵy, áleýmettik jáne biryńǵaı jer salyǵyn tóleýden bosatylǵan edi. Memleket sondaı-aq bıznesti tekserýge qatysty da moratorıı jarııalady. Atalǵan shara 2022 jyldyń sońyna deıin kúshinde bolady. Sondaı-aq shaǵyn jáne orta bıznes te salyqtan jáne jalaqy qorynyń tólemderinen bosatyldy.

2021 jyly aılyq eseptik kórsetkish (AEK) mólsheri 2917 teńgeni quraıdy. Al bazalyq áleýmettik tólemder mólsherin esepteý úshin kúnkóristiń eń tómengi mólsheri 34 302 teńge bolyp bekitilgen. 2021 jyly eń tómengi jalaqy mólsheri 42 500 teńge kúıinde qala beredi. 1 qańtardan bastap tómengi memlekettik bazalyq zeınetaqy tólemi 18 524 teńge. Bul rette mınımaldy zeınetaqy mólsheri – 43 272 teńge.   

Sońǵy jańalyqtar

Jem-shóp daqyldarynyń alqaby uǵaıtyldy

Qazaqstan • Búgin, 12:30

Brent markaly munaı baǵasy ósti

Ekonomıka • Búgin, 09:19

Almatydaǵy alyp mýral

Aımaqtar • Búgin, 09:15

Seısenbige arnalǵan aýa raıy boljamy

Aýa raıy • Búgin, 09:09

Týrnırdiń shırek fınalyna shyqty

Tennıs • Búgin, 09:07

Fransııadan da jeńildi

Hokkeı • Búgin, 09:05

«Astana opera» – álem nazarynda

Teatr • Búgin, 09:00

Álkeıdi áli zertteý qajet

Aımaqtar • Búgin, 08:55

Ulttyq ulanda boldy

Qazaqstan • Búgin, 08:52

Kıprdan kelgen kúmis pen qola

Bilim • Búgin, 08:50

Uqsas jańalyqtar