«Koronavırýs ınfeksııasymen syrqattanýshylyq jaǵdaıy búkil álem boıynsha turaqsyz. Álemniń 220 elinde KVI-men aýyrǵan 84 000 000 jaǵdaı tirkeldi, onyń ishinde 1 840 000 adam osy dert saldarynan kóz jumdy (2,2%). Bizdiń elimizde 156 943 naýqas COVID-19 juqtyrǵan jáne 45 946 adamǵa KVI dıagnozy qoıylǵan», deıdi Densaýlyq saqtaý mınıstri.
Vedomsto basshysy qazirgi tańda elimizde em-dom alǵandardyń adamdardyń sany 87%-ǵa deıin óskenin tilge tıek etti.
«Al maýsym-shilde aıynda jazylyp shyqqandar qatary 60% aspaıtyn. Respýblıka qaýipi tómen – «jasyl» aımaqta tur. Táýekeli joǵary nemese «qyzyl» aımaqta Atyraý oblysy qaldy, táýekeli ortasha nemese «sary» aýmaqta 6 óńir: SQO, Aqmola, Qostanaı, Pavlodar oblystary men Nur-Sultan, Almaty qalalary qaldy», deıdi Alekseı Soı.
