Qutqarýshylar onda túni boıy jumys istegen. Izdeý jumystaryn borpyldaq topyraq, aýa raıynyń qolaısyzdyǵy jáne jaryqtyń jetispeýshiligi qıyndatty.
«Biz kóshkin júrgen aýdanda óte kúrdeli jumys atqardyq. Mundaǵy jer jumsaq, jabysqaq, arasynda synyqtar óte kóp. Jerdi batys jaqtan qazýdy, aǵash materıaldar men penopolıstıroldy qoldanyp, jaıaý júrginshilerge arnalǵan joldar salýdy sheshtik», dedi qutqarýshylar komandasynyń komandıri Knýt Halvorsen.
Sársenbide júrgen kóshkin saldarynan birneshe turǵyn úı batpaqtyń astynda qalyp qoıǵan. 10 adam zardap shegip, bireýi aýrýhanaǵa jetkizildi, taǵy 11 adam iz-túzsiz joǵalǵandar esebinde tur.
Norvegııanyń premer-mınıstri Erna Solberg bunyń el tarıhyndaǵy osy tektes eń iri oqıǵalardyń biri ekenin málimdedi. 700-den astam jergilikti turǵyn qaýipsiz jerge shyǵaryldy. Bılik taǵy 1500-ǵa jýyq adamdy kóshirý qajet bolýy múmkin ekenin málimdedi.
