Basty ustanym – el múddesine qyzmet etý

Partııanyń saıası keńesiniń múshesi, kan­dıdat Oljas Ordabaev partııa júr­giz­gen aqparattyq-túsindirý jumysta­ry­nyń keıbir nátıjeleri týraly habarlady.

«Búgingi kúni elimizdiń barlyq aımaq­tarynda partııa músheleri halyqpen 4216 kezdesý ótkizdi, oǵan 95 myń adam qa­tysty. Partııaǵa múshe bolýǵa 200 myńnan astam ótinish kelip tústi. Bul azamattardyń senim bildirgenin, ADAL saılaýaldy baǵdarlamasyn qoldaǵanyn bildiredi», dedi Oljas Ordabaev.

Turǵyndar kótergen túıtkildi má­se­leler týraly aıta otyryp, ol turǵyn úı-kommýnaldyq sharýashylyq salasyndaǵy máselelerdiń ózektiligin atap ótti. «Kóp­tegen adam úshin úıde gazdyń, turaqty aýyz sýdyń bolýy – arman», dedi kandıdat.

Onyń aıtýynsha, turǵyndardyń eldi mekenderiniń negizgi problemalaryna jumyssyzdyq, baspana jetispeýshiligi, azyq-túlik baǵasynyń ósýi jáne joldyń nasharlyǵy jatady.

«Árbir túıtkildi másele bekitilip, ol boıynsha jumys isteledi», dep sendirdi Oljas Ordabaev.

ADAL partııasynan Májilis depý­tat­tyǵyna kandıdat, Tájirıbeli ekologtar qaýymdastyǵynyń tóraǵasy Laýra Málikova Qazaqstan Respýblıkasynyń jańa Ekologııalyq kodeksi týraly aıtty. Bul ADAL partııasynyń Instagram paraqshasyndaǵy tikeleı efır kezinde sóz boldy.

Aıta keteıik, Laýra Málikova – jumys tobynyń múshesi retinde zań jobasyn qaraýǵa qatysqandardyń biri. Jańa Ekologııalyq kodeks osy jumys tobynyń usynystary negizinde jáne Eýropalyq odaqtyń tájirıbesin eskere otyryp ázirlendi. О́ıtkeni bul tájirıbe birqatar elde atmosferaǵa shyǵaryndylar kólemi­niń naqty aıtarlyqtaı azaıýyn kórsete­tindigimen erekshelenedi.

«Ekologııalyq máseleler – eń mańyzdy máselelerdiń biri! Buǵan bizdiń halyqpen kezdesýlerimiz, taldaýymyz dálel. Mysaly, tek О́skemenniń ózinde 8000-nan astam otbasy ekologııalyq jaǵdaıdy jaqsartý máselesi eń mańyzdy ekenin atap ótti», dedi Laýra Málikova.

Onyń aıtýynsha, jańa kodeks aýyz sýdyń sapasyn jaqsartýǵa, ónerkásiptik kásiporyndardan atmosferaǵa shyǵaryndylardy azaıtýǵa, aýany, qor­sha­ǵan ortany tazartýǵa, sonymen qatar tur­ǵyndar arasynda aýrýshańdyqty azaıtýǵa kómektesedi.

Bul qujat spıker atap ótkendeı, «ja­syl» tehnologııalardyń damýyna serpin beredi.

Jalpy, ekolog elimizdegi ekologııa­ny jaqsartý ADAL partııasynyń saı­laýaldy baǵdarlamasynyń basym mindet­teriniń biri ekenin atap ótti.

Aıta keteıik, ADAL partııasy aty­nan Májilis jáne máslıhattar depý­tat­tyǵyna úmitkerler el ishinde halyqpen kezdesýler uıymdastyryp, partııanyń saılaýaldy baǵdarlamasyn júıeli túrde túsindirý jumystaryn júrgizip kele-
di.