160 adamǵa arnalǵan ǵımaratta kúres, boks, basketbol jáne voleıbol, ústel tennısi sekildi úıirmeler jumys jasaıdy.
Jańa jyldyń alǵashqy aptasynda paıdalanýǵa berilgen ǵımarattyń ashylý saltanatyna Batys Qazaqstan oblysynyń ákimi Ǵalı Esqalıev qatysyp, aýyl turǵyndaryn quttyqtady.
«Ultjandy urpaqty tárbıeleýde sporttyń mańyzy erekshe. Keńes dáýirinde osyndaı shalǵaı aýyldarǵa asa nazar aýdarylmaǵany belgili. Elimiz táýelsizdik alǵannan bergi kezeńde aýdanǵa tabıǵı gaz qubyry tartyldy. Elbasynyń tapsyrmasyna sáıkes oblys ortalyǵymen jalǵastyratyn jol salynýda. О́ńirde Qarashyǵanaqty ıgerip jatqan «Qarashyǵanaq Petrolıým Opereıtıng b.v.» kompanııasynyń qarjysyna áleýmettik nysandar boı kóterýde. Sonyń biri – osy dene shynyqtyrý-saýyqtyrý kesheni», dedi óńir basshysy.
Quny 428 mıllıon 531 myń teńge turatyn zamanaýı sport ǵımaraty 1274.1 myń sharshy metr alańda ornalasqan.
Keshenniń ashylý saltanatynda Bókeı ordasy aýdanynyń ákimi Nurlan Rahymjanov Qurylysqa jaýapty merdiger «Naýryz» jaýapkershiligi shekteýli seriktestigi men tapsyrys berýshi «Qarashyǵanaq Petrolıým Opereıtıng BıVı» kompanııasy basshylaryna aýdan turǵyndary atynan alǵys hat tapsyrdy.
