Aımaqtar • 06 Qańtar, 2021

Atyraýda jolaýshylardy metanmen júretin avtobýstar tasymaldaıdy

147 ret kórsetildi

Atyraý qalasynda jolaýshylardy tasymaldaý úshin «Aq Jaıyq Avtopark» JShS-niń qarjysyna metanmen júretin 160 jańa avtobýs satyp alyndy, dep habarlaıdy Egemen.kz.

«Jańa avtobýstardyń qozǵalysyn qamtamasyz etý maqsatynda avtopark aýmaǵynda ońtústikkoreıalyq kompressorlarmen qamtylǵan metan gazyn quıý beketi ashyldy. Jańa gaz quıý beketi tolyq avtomattandyrylǵan. О́ndirýshi tarap bekettiń qyzmetine 10 jylǵa kepildik berip otyr. Munda ár avtobýs 15-18 mınýtqa kidiredi. Bir mezgilde qatar turǵan 6 avtobýsqa «kógildir otyn» quıý múmkindigi bar» deıdi avtopark dırektory Qýantaı Qalman.

Onyń málimetinshe, ekoavtobýstar Atyraý qalasy men qala mańyndaǵy eldi eldi mekender turǵyndaryn 6 baǵytta tasymaldaýdy bastady. Atyraý qalalyq ákimdigi jolaýshylar tasymaldaıtyn avtobýstar sanyn 140-tan 250-ge deıin kóbeıtýdi josparlap otyr. Al 220 avtobýsta múmkindigi shekteýli jandardyń minip-túsýine qolaıly jaǵdaı jasalady.

«Bıyl qala turǵyndaryna qolaıly jaǵdaı jasaý úshin jolaýshylar tasymalyndaǵy jeti  baǵytta avtobýstardyń qozǵalys ýaqyty jedeldetildi. Marshrýttardyń júrý baǵytyna ózgerister engizilip, uzartyldy. Qalada buryn qamtylmaı kelgen úsh baǵytqa jańadan avtobýstar shyǵaryldy», dep habarlady qalalyq ákimdiktiń baspasóz qyzmeti.

Sondaı-aq jaqynda jańadan bes marshrýtty iske qosý josparlanyp otyr.

Sońǵy jańalyqtar

Áskerı tikushaq apatqa ushyrady

Álem • Búgin, 15:21

Túrkistan oblysynda eki brakoner ustaldy

Aımaqtar • Búgin, 13:06

Efıopııada pilder qyrylyp jatyr

Álem • Búgin, 11:58

Qazaqstanda un óndirý kólemi tómendedi

Ekonomıka • Búgin, 11:45

Dastın Pore: Makgregor – ótken shaq

Jekpe-jek • Búgin, 11:40

Gazǵa aýysqan kólikter sany artty

Qazaqstan • Búgin, 10:50

Alvares aýyr salmaqta alypqa aınala ma?

Kásipqoı boks • Búgin, 10:35

Uqsas jańalyqtar