Parlament • 06 Qańtar, 2021

Erik Sultanov SQO aýdandaryn aralady

13 ret kórsetildi

Senat depýtaty Erik Sultanov Soltústik Qazaqstan oblysynyń Taıynsha, Aqjar jáne Ýálıhanov aýdandarynda boldy. Sapar barysynda ol jergilikti qus fabrıkasynyń jumysshylarymen kezdesti jáne kásiporyndardyń jumysymen tanysty, dep habarlaıdy Egemen.kz

Senator sondaı-aq óńir turǵyndarymen sapaly medısınalyq qyzmet, qashyqtan oqýdy tehnıkalyq qamtamasyz etý jáne jol jóndeý jumystaryna qatysty máselelerdi talqylady.

«Osy úsh aýdannyń turǵyndaryn alańdatyp otyrǵan basty másele Kókshetaý-Omby tasjolyn jóndeý jumystary ekeni belgili. Osyǵan oraı kelesi jyly jobalaý-smetalyq qujattamaǵa 104 mıllıon teńge bólý josparlanǵan. Soǵan sáıkes 2022 jyly jóndeý jumystaryn bastaý kózdelip otyr. Odan bólek, Úkimettiń irgeles aýyldardy sapaly ınternetpen qamtamasyz etýge arnalǵan bólek jospary bar. Aldaǵy 2-3 jylda ár aýylda ınternet bolady dep senemin», dedi Erik Sultanov.

Sonymen qatar senator Aqjar aýdandyq ortalyq aýrýhanasynyń dárigerlerimen kezdesip, byltyr qabyldanǵan zańdardyń mańyzy jóninde aıtyp berdi. Ol bir jylǵa jýyq indetpen kúreste tabandylyq tanytyp kele jatqan mamandarǵa alǵysyn bildirip, medısına salasy boıynsha oblystaǵy ózekti máselelerdi talqylady. О́z kezeginde dárigerler jergilikti aýrýhanalarda zamanaýı jabdyqtardyń jetispeıtinin aıtty.

«Bizdiń aýdanǵa qazirgi zamanǵy laparoskopııalyq apparat qajet. Bul qondyrǵy abdomınaldi hırýrgııa, ót shyǵarý joldaryndaǵy aýrýlar men zaǵıptikti emdeý jáne gınekologııalyq otalar úshin kerek. Osyndaı zamanaýı otalardan keıin naýqastar 3 kúnnen soń qalypty ómirine qaıta oralady», dedi dáriger-hırýrg Baýyrjan Qosaev.

Erik Sultanov bul máseleler Densaýlyq saqtaý mınıstrligimen birlese otyryp qaralatynyn jetkizdi.

Sońǵy jańalyqtar

Almaty mańynda jer silkindi

Aımaqtar • Keshe

Sý aıaǵy qurdymǵa kete me?

Aımaqtar • Keshe

Kók túrkiniń kózi

Tarıh • Keshe

Tólge toly Taıketken

Ekologııa • Keshe

15 mamyr – Halyqaralyq otbasy kúni

Qoǵam • 15 Mamyr, 2021

Semeıde eki jeńil kólik soqtyǵysyp qaldy

Aımaqtar • 15 Mamyr, 2021

Uqsas jańalyqtar