Kásiporyn taratqan derekterge qaraǵanda, 7-shi qańtar kúni Qazaqstan terrıtorııasynyń basym bóligi áli de Soltústik antısıklon jotasynyń yqpalynda jáne kún aıazdy bolady.
Tek respýblıkanyń soltústik-batysynda, kúndiz batysynda, túnde ońtústiginde atmosferalyq frontaldy bólikterdiń ótýine baılanysty jaýyn (jańbyr, qar) jaýady. Respýblıkanyń keı jerlerinde tuman túsip, jel kúsheıedi, batysynda – kóktaıǵaq baıqalady.
Mańǵystaý oblysynyń keı jerlerinde jel 15-20 m/s jyldamdyqpen uıtqıdy.
Almaty oblysynyń Jalańashkól aýdanynda jel sekýndyna 17-12 metr jyldamdyqpen soǵady.
Jambyl, Túrkistan, Atyraý, Batys Qazaqstan, Qostanaı, Pavlodar, Shyǵys Qazaqstan oblystarynyń keı jerlerinde tuman túsip, Atyraý oblysynyń keı jerlerinde kóktaıǵaq bolady. Batys Qazaqstan oblysynyń keı jerlerinde jaıaý burqasyn bolýy yqtımal.
Túnde Túrkistan, Qaraǵandy, Shyǵys Qazaqstan jáne Almaty oblystarynyń keı jerlerinde qatty aıaz bolady.
