Jıynda elordada koronavırýs ınfeksııasynyń taralýyna jol bermeý, saılaý ýchaskelerinde daıyndyq jáne ótkizý kezinde qaýipsizdikti qamtamasyz etý sharalary talqylandy.
Qazirgi ýaqytta elordada táýligine 50-den 120-ǵa deıin aýrý tirkelgen. KVI dıagnostıkasy boıynsha táýliktik qýaty 12 250-ge deıingi 21 zerthana men 7 ınfeksııalyq jáne bir karantındik stasıonar jumyldyryldy. Qazirgi ýaqytta barlyq zerthanalardyń júktemesi 25-ten 40%-ǵa deıin, kúnine 1 500-den 5 000-ǵa deıin zertteýler júrgiziledi. KVI dıagnozy rastalǵan stasıonarlardaǵy pasıentter sany 212 adamdy, pnevmonııamen 39 adamdy quraıdy.
Saılaý ýchaskelerine qatysty toqtalsaq, qala aýmaǵynda barlyǵy 283 saılaý ýchaskesi ornalasqan, onyń 248-i ashyq jáne 35-i jabyq (med. ortalyqtar, aýrýhanalar, áskerı bólimder jáne t.b.)
Densaýlyq saqtaý mınıstrliginiń koronavırýs ınfeksııasy taralýynyń aldyn alý algorıtmine sáıkes, 2021 jylǵy 5-8 qańtar aralyǵynda elordada saılaý komıssııalarynyń múshelerin, senim bildirilgen tulǵalar men baqylaýshylarǵa PTR-testileý júrgiziledi.
«Saılaý ýchaskelerinde jurttyń jappaı jınalýyna jol bermeý maqsatynda turǵyndar úshin arnaıy shyǵý joldary qarastyrylatyn bolady. Barlyq ýchaskeler daıyn bolýy jáne qajetti qorǵanys quraldarymen jabdyqtalýy kerek: dezınfeksııalyq kilemsheler, edendegi belgiler, qatysýshylardyń qozǵalysyna arnalǵan qorshaýlar men tosqaýyl taspalary, paıdalanylǵan jeke qorǵanys quraldaryn jınaýǵa jáne kádege jaratýǵa arnalǵan konteınerler, antıseptıkalyq zattar, jeke qorǵanys quraldary. Jalpy, qalanyń barlyq qyzmeti elorda turǵyndary 10 qańtarda azamattyq jáne konstıtýsııalyq boryshyn esh kedergisiz oryndaı alýy úshin joǵary daıyndyq júrgizýi tıis», – dep atap ótti ákimniń orynbasary.
Jıyn qorytyndysy boıynsha Baqtııar Máken koronavırýs ınfeksııasyna qarsy is-qımyl boıynsha karantındik sharalardy kúsheıtýdi, barlyq saılaý ýchaskelerinde qaýipsizdik pasportynyń bolýyn jáne sanıtarlyq normalardyń saqtalýyn tekserýdi, qalalyq qyzmetterdiń jumysyn kúsheıtýdi tapsyrdy.
Esterińizge sala keteıik, elorda koronavırýstyń taralý qarqyny boıynsha «sary aımaqta» ornalasqan. Turǵyndar barlyq sharalardy, ıaǵnı betperde kıip, ara qashyqtyqty saqtaý kerek.
