«Bul Prezıdent Qasym-Jomart Toqaevtyń qyzmetine kiriskennen keıin ótkiziletin alǵashqy parlamenttik saılaý bolmaq. Qazaqstan úkimeti buǵan deıin saıası lıberalızasııanyń alǵysharty retinde ekonomıkalyq damýǵa basymdyq berý týraly aıtqan bolsa, endi Prezıdent osy eki baǵyt boıynsha qatar júrý qajettigin ashyq moıyndady», deıdi Svante Kornell.
Sarapshy osylardyń nátıjesinde eldegi saıası plıýralızmdi ártaraptandyrýǵa jáne shynaıy kóppartııalyq júıeni qurýǵa baǵyttalǵan birqatar reforma júrgizilgenin de tilge tıek etti.
«Qazaqstan halyqaralyq qaýymdastyqqa júgine otyryp, EQYU baqylaýshylaryn saılaýǵa shaqyrady. Bul saılaý Qazaqstanǵa ÚEU men halyqaralyq seriktesterdiń synı turǵysynan qaıshylyqtar týǵyzǵanymen, óziniń saıası úderisindegi progresti kórsetýge aıtarlyqtaı múmkindik beredi. Osy tásil Eýrazııa men Taıaý Shyǵystyń birqatar elinde júzege asyrylǵan revolıýsııalyq ózgeristerden maqsatty túrde erekshelenip otyr», deıdi ol.
Svante Kornell qańtardaǵy saılaý Qazaqstannyń saıası júıesinde edáýir revolıýsııalyq ózgeristerge ákelmeıtinin, degenmen ýaqyt óte kele saıası plıýralızmdi engizýdiń bastamasy bolatynyna senim bildirdi.
«Atalǵan saıası úderisti Qazaqstan halyqaralyq seriktesterdiń qoldaýymen jedeldete túsedi. Sondyqtan qazaqstandyq bılik táýelsiz saıası kúshtermen birlesip jumys isteýi tıis», dep túıindedi Svante Kornell.
