Memlekettik qoldaýǵa ıe bolyp otyrǵan sharýalardyń da sany artqan. Atap aıtqanda, 2019 jyly 76 sharýaǵa 1 114,0 mln teńge sýbsıdııa berilse, ótken jyly 102 azamatqa 1 069,3 mln teńge qarjy úlestirilgen.
Al osy jyly mal sharýashylyǵyn damytý maqsatynda 1 425,1 mln teńge sýbsıdııa qaralyp otyr.
Sharýalarǵa berilgen memlekettik qoldaýdyń arqasynda 2019 jyly óndiriletin et 14,1 myń tonnaǵa jetip, 2018 jylmen salystyrǵanda 124,6 paıyzǵa artqan (2018j. 11,3 myń tonna). О́tken jyldyń 11 aıynda qalada 13,1 myń tonna et óndirilip, 2019 jyldyń (12,6 tonna) tıisti kezeńimen salystyrǵanda 103,9 paıyzǵa artqan.
Aýylsharýashylyq ónimderinen sút óndirisi de jyldan-jylǵa damyp otyr. 2019 jyly 45,9 myń tonnaǵa jetip (2018 j. 45,4 myń tonna) 101,2 paıyzdy qurasa, ótken jyly 11 aıynda sút óndirisiniń kólemi 43,9 myń tonnaǵa jetti (2019 j. 11 aıynda 42,7 myń tonna).
Sonymen qatar Shymkentte óndiriletin jumyrtqa óndirisiniń úlesinde de ósý bar. 2020 jyldyń 11 aıynda 146,1 mln dana jumyrtqa óndirilip, 2019 jyldyń (110,5 mln dana) osy kezeńimen salystyrǵanda 132,5 paıyzǵa artqan.
Shaharda mal sharýashylyǵy ónimniń kólemi 2019 jyly 19,4 mlrd teńgeni quraǵan. Al, 2020 jyldyń 11 aıynda bul kórsetkish 19,9 mlrd teńgege jetken.
Bıyl sharýalarǵa memlekettik qoldaýdy tıimdi úlestirýdiń arqasynda 14,5 myń tonna et, 46,7 myń tonnaǵa sút, jumyrtqanyń kólemin 150,0 mln danaǵa jetkizý josparlanyp otyr.
