Qanat Qoshqarbaıuly 1976 jyly Mańǵystaý oblysy Túpqaraǵan aýdany Fort-Shevchenko qalasynda dúnıege kelgen.
Sport jattyqtyrýshysy, dene shynyqtyrý oqytýshysy, zańger mamandyqtary boıynsha úsh joǵary bilimi bar.
Eńbek jolyn 1999 jyly Túpqaraǵan aýdany balalar-jasóspirimder sport mektebiniń dzıýdo jáne qazaqsha kúres tobynyń jattyqtyrýshysy bolyp bastaǵan.
2001 jyly Túpqaraǵan aýdany dzıýdo jáne qazaqsha kúres BJSM dırektorynyń orynbasary qyzmetin atqardy.
2015 jylǵa deıin mádenıet, dene shynyqtyrý jáne sport salalarynda ártúrli laýazymdardy, sonyń ishinde bólim bastyǵy laýazymyn atqardy.
2015 jyly Aqtaý qalalyq dene shynyqtyrý jáne sport bóliminiń basshysy boldy.
2019 jyldan bastap Mańǵystaý oblysynyń dene shynyqtyrý jáne sport basqarmasy basshysynyń orynbasary bolyp jumys istedi.
