“PARASATTYŃ” PARASATTY ISI

Bıylǵy qystyń qahary elimizdiń Shyǵys óńirinde erekshe qatal boldy. Aqyrǵan aıazy men aqtútek borany qabattasyp, alty aı qys kóz ashtyrmady. “Jut jeti aǵaıyndy” degendeı, qatal qystyń sońy kóktemniń sý tasqynyna ulasty. Birqatar eldi me­ken­derdi kúızeliske ushyratqan kóktemgi apat kezinde shy­ǵysqazaqstandyqtar jalǵyz bolǵan joq. Elimizdiń barlyq óńirlerinen, iri kásiporyndardan, jekelegen azamattardan apat aımaǵyndaǵy halyqqa jan-jaqty kómek kórsetildi. Sý tasqynynan zardap shekken Shyǵys Qazaqstan oblysynyń turǵyndaryna kórsetilip jatqan búkilhalyqtyq kómek qozǵalysyna “Parasat” ulttyq ǵylymı-tehnologııalyq holdıngi” jáne onyń enshiles uıymdary: “Ǵylym qory”, “Jer, me­tallýrgııa jáne ken baıytý ǵylymı ortalyǵy”, “Aq­parat­tandyrý ǵy­lymı ortalyǵy” jáne basqalar sý shaıyp ketken eldi mekenderdegi qurylys jumystaryna qoldaý kórsetý maqsatynda 1,7 mln. teńge kólemindegi bir kúngi eńbekaqylaryn aýdardy. “Egemen-aqparat”.