Saıası dodaǵa Qazaqstan Syrtqy ister mınıstrliginiń shaqyrýymen kelgen Tomash Lens tańerteńnen beri Nur-Sultan qalasyndaǵy úsh saılaý ýchaskesine barǵanyn atap ótti.
– Saılaý ýchaskeleri ashylǵan alǵashqy saǵattarda-aq halyqtyń belsendiligi erekshe baıqaldy. Ásirese, jastardyń belsendiligi súısintti. О́ıtkeni «jastar saıasatqa qyzyqpaıdy» degen támsil bar. Qazaqstan jastary osy tujyrymdy teriske shyǵarǵandaı. Olardyń saıası belsendiligi tym joǵary. Demek, olar eldiń bolashaǵyna úlken jaýapkershilikpen qaraıdy, – dedi Tomash Lens.
Polsha Seımasynyń depýtaty bıylǵy Parlament saılaýynyń qazaqstandyqtar úshin mańyzy joǵary ekenin jetkizdi.
– Saılaýǵa 5 saıası partııa qatysyp jatyr. Tizimde de jańa esimder kóp. Halyq qandaı partııalardyń Parlamentten oryn alaryn da bilmeıdi. Demek, bul jolǵy saılaýdyń mańyzy joǵary, – dedi ol.
Táýelsiz baqylaýshy qazaqstandyqtardyń saılaýǵa úlken jaýapkershilikpen qaraıtynyn jetkizdi.
– Ańǵarǵanym, bıylǵy saılaýda qazaqstandyq baqylaýshylardyń sany óte kóp. Ár ýchaskede ár partııanyń ókili saıası dodany baqylap otyr. Bul halyqtyń saıası belsendiligin kórsetedi. Árıne, KOVID-19 pandemııasyna baılanysty shetelden kelgen baqylaýshylardyń sany azdaý. Biraq jergilikti baqylaýshylardyń ózi jaǵdaıdy muqııat nazarda ustaıtyny anyq, – dedi Tomash Lens.
