«Daýys bergen osy eken» dep, kóz juma daýys berý durys emes. Jan-jaqty oılanǵan jón. О́ziniń bilimi jetpese, saıasattan habary bar adammen aqyldasyp, tańdaýyn oı tarazysyna qaıta-qaıta salǵany abzal. Oǵan halyqtyń taǵdyry, eldiń ıgiligi úshin jasalyp jatqan dúnıe dep qaraǵan jón. «Meniń daýysym ne sheshedi? Menen basqalar berip jatyr ǵoı» degen pikir jańsaq. Bile bilseńiz, ádil ótken saılaýda bir daýystyń ózi bárin ózgertip jiberýi múmkin. Barsha jurt saılaýǵa asqan jaýapkershilikpen qarasa ıgi. О́ner adamy retinde bizde bul mańyzdy oqıǵadan shet qala almaımyz. Azamattyq mindetimizdi ótep, óz daýsymyzdy berdik.
Seken TURYSBEKOV,
Qazaqstannyń Eńbek sińirgen qaıratkeri, kompozıtor
