Elordanyń jas turǵyny Baýyrjan Aqshabaevtyń ómirinde eki mańyzdy oqıǵa bolyp otyı. Bul kúni ol kámelettik jasqa tolyp qana qoımaı alǵash ret daýys berýge qatysty.
«Saılaýǵa nelikten qatysý kerek? Men úshin onyń jaýaby óte qarapaıym. Ár azamat óz eliniń ómirine aralasýy kerek. Bul — erekshe sezim. Qazaqstan azamaty ekendigime jáne tarıhı sátterge aralasatynyma qýanyp ári maqtanyp otyrmyn», dep Baýyrjan óziniń sezimimen bólisti. Ol týǵan kúni №87 ýchaskege baryp, óziniń eresek ómirindegi azamattyq alǵashqy boryshyn oryndady.
Sondaı-aq Baýyrjan qurdastaryn ózinen úlgi alýǵa jáne bolashaqqa senimmen qaraýǵa keńes berdi.
«Álemdi ózgertý úshin ózgeristi aldymen ózińnen bastaý kerek. Saılaý — bul azamattyq jaýapkershilikti kórsetý jáne elimizdiń taǵdyryn ózgertý úshin eń qolaıly sát», dedi jas saılaýshy.
Baýyrjan Aqshabaevqa alǵashqy saılaýdan estelik retinde Abaı Qunanbaıulynyń kitaby syıǵa berildi.
