Búgin Nur-Sultan qalasyndaǵy Beıbitshilik jáne kelisim saraıynda Qazaqstan halqy Assambleıasynan usynylǵan Qazaqstan Respýblıkasy Parlamenti Májilisiniń depýtattaryn saılaý boıynsha Qazaqstan halqy Assambleıasynyń XXVIII sessııasy ótip jatyr .
«Qazaqstan Respýblıkasyndaǵy saılaý týraly» QR Konstıtýsııalyq zańynyń 93-1-babyna sáıkes sessııada Assambleıadan saılanatyn Qazaqstan Respýblıkasy Parlamenti Májilisiniń depýtattyǵyna QHA Keńesi usynǵan úmitkerlerge daýys beriledi. Oǵan QHA músheleriniń qatysýy eskerilgen.
Sessııa jumysyna elimizdiń barlyq óńirlerinen respýblıkalyq jáne óńirlik etnomádenı birlestikter, qoǵam qaıratkerleri, ǵylymı jáne shyǵarmashylyq zııaly qaýymnan quralǵan QHA músheleriniń delegasııalary, sondaı-aq Qazaqstan Respýblıkasynda akkredıtasııadan ótken halyqaralyq baıqaýshylar men BAQ ókilderi qatysyp jatyr.
QHA-nyń XXVIII sessııasynyń sońynda Nur-Sultan qalalyq saılaý Qazaqstan halqy Assambleıasynan saılanatyn Qazaqstan Respýblıkasy Parlamenti Májilisi depýtattaryn saılaý qorytyndylaryn Ortalyq saılaý komıssııasy shyǵarady.
Buǵan deıin Elbasy Nursultan Nazarbaev, Úkimet basshysy Asqar Mamın, QR Premer-Mınıstriniń orynbasary Eraly Toǵjanov, Senat tóraǵasy Máýlen Áshimbaev, sondaı-aq mınıstrler daýys berdi.
2020 jyldyń 24 jeltoqsanda QR Ortalyq saılaý komıssııasy Májiliske QHA atynan saılaýǵa túsetin 9 depýtatty tirkegen edi.
