Ulybrıtanııada men Ońtústik Afrıkada anyqtalyp, taralýy jóninen burynǵyǵa qaraǵanda 40-70 paıyzǵa deıin jyldamyraq juǵatyn vırýs álemdi sharlap barady. Keshe Reseıde jańa shtamm bir adamnan tabylsa, AQSh-tyń 8 shtatynda: Nıý-Iork, Kalıfornııa, Florıda, Kolorado, Tehas, Djordjııa, Konnektıkýt, jáne Pensılvanııada 63 naýqas tirkelip otyr. Ásirese ol Kalıfornııa men Florıda turǵyndary arasynda kóbirek taralýda. Osyǵan qarap AQSh jurty Ulybrıtanııa jańa shtammyna uqsas ózimizde de jańa túr paıda bolmady ma eken degen de qaýip aıtqanymen Aýrýlardy baqylaý jáne aldyn alý ortalyǵy (CDC) bul joramaldy joqqa shyǵardy.
О́tken aptada amerıkalyq belgili ınfeksıonıst Entonı Faýchı «Ulybrıtanııalyq shtammnyń AQSh -taǵy taralýy anyqtalýynan da jyldam júrýde» degen bolatyn.
Jańa shtammnyń qarqyny jaıynda áńgime qaýlap turǵanda shyǵystan taǵy bir qaýip aıtylyp jatyr. Tokıoǵa Brazılııadan 2 qańtarda kelgen 4 týrısten anyqtalǵan aýrý shtammy ulybrıtanııalyq mýtasııadan ózgeshe bolyp shyqqan. Ol jaıynda Japonııa Ulttyq ınfeksııalyq aýrýlar ınstıtýtynyń bas dırektory Takaı Ýakıta jarııa etti. «Alaıda vırýstyń jańa shtammy burynǵysyna qaraǵanda juqpalyraq deıtin negiz joq. Qazir tórt pasıent te karantınde. Al demalysy qıyndaǵan 40 jasar er adam aýrýhanaǵa jetkizildi» degen Takaı myrza.
Onyń málimdeýine qaraǵanda eki pasıenttiń basy men tamaǵy aýyrady jáne dene qyzýlary kóterilgen, al tórtinshi vırýs juqtyrǵan jasóspirimde eshqandaı aýrý belgisi baıqalmaǵan.
