ZAMAN SURANYSYNA SAI OQÝ ORNY

“Astananyń jańa ýnıversıteti” AQ prezıdenti Aslan Sarınjıpovpen áńgime – Aslan Bókenuly, Elbasy Nursultan Nazarbaevtyń bıylǵy Qazaqstan halqyna ar­naǵan Joldaýynda erekshe mán bergen jańa halyq­aralyq ýnıversıtet týraly bilgisi kelgen oqyrman saýaldary redaksııa poshtasyna az kelip jatqan joq. Endeshe, el tarıhynda eleýli oryn alatyn bilim ordasy týraly ne aıta alasyz? – Iá, Elbasy óziniń bıylǵy Jol­daýynda Astanada halyqaralyq deńgeıdegi ýnıversıtetti qurý týraly máselege erekshe mán bergeni ras. Qa­zaq­standa osyndaı ýnı­ver­sıtetti ashý elimiz­diń Prezıdentiniń ıdeıa­sy bolyp taby­lady. Osy ýnıversıtettiń negiz­gi mindeti – joǵary bilimniń jańa mo­delin qurý jáne álemdik ǵy­ly­mı keńis­tikte qazaqstandyq ǵyly­mı qury­lym­­dardy ın­te­grasııalaý boıyn­sha júıeli ju­mys júrgizý. Bul qazaqstandyq bilim men ǵy­lym júıesiniń eń úzdik úlgilerin álemdik deń­geı­ge úılesimdi túrde sáıkes­tirý. Bul joba tek Qazaqstan úshin ǵana emes, sondaı-aq Ortalyq Azııa aımaqtary úshin de alar orny erekshe bolyp tabylady. О́ıt­keni, halyqaralyq joǵary oqý oryn­dary­men tyǵyz ynty­maq­tastyqta jumys jasaı­tyn ýnıversıtetter serik­tes­ti­giniń osyndaı formasy buryn bolǵan emes. Oqý ornynyń tujy­rym­damasy álemdik praktı­ka negizi eskerile otyryp ázir­len­di. Onyń modeli álem­niń eń úzdik zertteý ýnı­versı­tetteriniń quryly­my­na saı keledi. Munda bólimsheler­diń avtonomdy­ǵy men mo­dýl­digi birinshi kezekte qarastyrylatyn bolady. Jańa ýnıversıtet álemdik stan­dart­tarǵa sáı­kes keletin jańa ınfra­qury­lym­men, sonyń ishinde akademııalyq, ákim­shilik jáne áleýmettik obekti­ler­men erekshelendi. Bizdiń maqsatymyz – Prezıdent tapsyrmasyna oraı, Eýrazııa kontınen­tin­de eń úzdik ýnıversıtet qurý. Bul úshin Astananyń jańa bilim ordasy álemniń eń úzdik ýnıversıtetterimen tyǵyz seriktestik qatynas­tar­dy or­natý boıynsha jumystar júr­gizip jatyr, bul baka­lavrıat, magıstra­týra men PhD oqý baǵdar­lamalaryn ázir­leý, ǵy­lym jáne bilim úderis­terin basqarý boıyn­sha olarmen jınaqtalǵan tájirı­be­­ler­diń nátıjelerin paıdala­ný­ǵa múkindik beredi. – Ýnıversıtet qandaı ma­man­dyqtar boıynsha kadrlar daıyn­daıdy? Otanymyz­daǵy basqa oqý oryndarynan bul ýnıversı­tet­tiń aıyrmashylyǵy qandaı? Bir jylda qansha stýdent qabyldanady? Qabyldaý merzimi qaı kezeńge josparlanyp otyr? Qan­daı pánder­den emtıhan tapsyrylady? “Altyn belgi”, otandyq, halyq­ara­lyq olımpıa­dalardyń jeńimpazdaryna jeńil­dik­ter bar ma, álde olardyń da emtıhan tap­syrý­­lary kerek pe? Jalpy synaq test arqyly óte me, bolmasa basqa joly qarastyrylyp jatyr ma? – Akademııalyq baǵdarlamalardyń mazmuny men fakýltetterdiń mamandanýy sheteldik seriktesterimizben birge ázirlenedi. Jalpy, bakalavrıat baǵdarlamasy boıynsha ınjenerııa, medısına, bıznes, jaratylys­taný jáne áleýmettik ǵylymdar mektepterin ashý josparlanyp otyr. Sonymen qatar, budan ári magıstrlik jáne PhD baǵdarla­malary boıynsha bıznes jáne memlekettik saıasat mektepteri ashylatyn bolady. Bizdiń ýnıversıtetimizdiń negizgi erek­shelik­teriniń biri – bul halyqaralyq deńgeı­degi ýnıversıtetti qurý modeli retinde bizdiń seriktestik modelin tańdap alýymyz. Bul ult­tyq bilim júıesiniń barlyq artyq­­shylyqtary men eń úzdik sheteldik praktı­kany eskeretin ýnıversıtettiń seriktesteri – joǵary oqý oryn­darymen birlesken bilim baǵdarlama­laryn qurý týraly bizdiń bastap­qy oıymyzǵa tikeleı baılanysty bolyp otyr. Osyndaı qarym-qatynastar otandyq joǵary bilimdi modernıza­sııalaýdyń jańa satysy bolyp tabylady, bul jańadan quryl­ǵan ýnıversıtetke oqý úderisin uıym­das­tyrýdyń halyqaralyq erekshelikteri men ulttyq erekshelikterin jınaqtaǵan ózindik brendti qalyptastyrýǵa múmkindik beredi. Joba boıynsha ýnıversıtet stýdent­teri­niń jal­py sany 4 000 adamdy quraıtyn bola­dy. Aǵym­­daǵy jylda ýnıversıtettiń daıyn­dyq (Foundation) baǵdarlamasy boıyn­sha stýdent­ter­di qabyldaý júrgizilmek. Oqý úderisi tek aǵyl­shyn tilinde júrgiziletinin nazarǵa sala ketsem deımin. Oqýǵa túsý kezinde qoıylatyn talap­tardy qabyldaý komıssııasy belgileıdi. Stýdent­ter­di irikteý kezinde negizgi usta­nymdar retinde TOEFL jáne IELTS emtı­han­darynyń, Lon­don­nyń Ýnıversı­tettik kolledji­men ázir­len­gen qabiletterdi aıqyndaý testi­leriniń nátı­je­leri, halyqara­lyq olımpıa­da­larǵa qaty­sýy jáne basqa marapattary men jetistikteri eskeriledi. Qazir Qazaqstannyń barlyq oblys orta­lyq­tarynda ýnıversıtettiń tusaýkeser­leri ót­kizilip jatyr. AJÝ, USL men Brıtan keńesi­niń ókilderi mektep túlekterin ýnı­ver­sıtetke túsý erejelerimen jáne elimizdiń ár túrli aımaqtarynda aǵymdaǵy jyldyń sáýir – tamyz aılarynda ótkiziletin irikteý týr­lary­na qatysýdyń sharttarymen tanystyrýda. Irikteýdiń birinshi kezeńi aǵylshyn tilin bilý deńgeıin tekseretin British Council English Proficiency Test (BCEPT) testin tap­syrýdy qaras­tyrady. Bul úshin aǵymdaǵy jyldyń sáýir – mamyr aılarynda BCEPT tes­tin júrgizý úshin Brıtan keńesiniń ókil­deri­nen qurylǵan saraptama toby Qazaq­stan­nyń barlyq aımaqtaryna shyǵatyn bolady. Birinshi irikteý týryna qatysý úshin, son­daı-aq ýnıversıtetke túsýdiń erejeleri men sharttary www.nu.edu.kz. saıtta kórsetilgen. Atalǵan testilerdi oıdaǵydaı tapsyrǵan talapkerler irikteýdiń 2 kezeńine shaqyry­la­dy. Olar IELTS testi men Subject Entrance Test testilerin – USL-men ótkiziletin pán­der boıynsha oqýǵa túsý emtıhandaryna qatysady. О́zdiginen testilerdi tapsyrǵan talapker­ler jáne aǵylshyn tiliniń tıisti deńgeıin rastaıtyn: TOEFL (qaǵaz betinde RVT neme­se online rejıminde) nemese IELTS ha­lyq­aralyq testilerdiń nátıjeleri kórsetil­gen resmı sertıfıkattary bar talapkerler USL testilerin tapsyrýǵa shaqyrylady. Emtıhandardy tapsyrý barlyǵyna, sonyń ishinde “Altyn belgi” ıegerleri úshin de, otan­dyq jáne halyqaralyq olımpıa­dalardyń jeńimpaz­dary úshin de mindetti ekenin atap ótkim keledi. – Ýnıversıtetke stýdentterdi qabyldaý tártibi týraly aıta ketseńiz. Buǵan qosa ta­lap­kerler qandaı qujattardy ázirleýi kerek? Ýnıversıtet talapkerleri irikteý týry­nyń atalǵan kezeńderinen ótken soń, Foundation baǵdarlamasy resmı qujattardy qabyldaý aǵymdaǵy jyldyń maýsym – shilde aılarynda júrgiziletin bolady. Foundation baǵdarlamasy negizinde oqýǵa qu­jat­tardy tapsyrý úshin talapkerler tómen­degi qujattardy: orta mektepti bitir­geni týraly at­testattyń nemese tehnıkalyq kásibı bilim, jo­ǵary bilim týraly dıplom­nyń, IV (Inter­natio­nal Baccalaureate) dıp­lomynyń, sondaı-aq “Altyn belgi” sertı­fıkatynyń, respýb­lı­k­alyq jáne halyqara­lyq olımpıa­da­lary­nyń jáne orta bilim pánderi boıynsha ǵyly­mı jarystardyń I, II, jáne III oryn dıplom­darynyń túpnus­qasyn nemese nota­rıal­dyq túrde kýálan­dyrylǵan kóshirmelerin tapsyrýy kerek. Jańa ýnıversıtettiń qabyldaý komıs­sııa­sy test nátıjelerin jáne talap etilgen qu­jat­­­tardy qarap shyqqan soń, qabyldaý ereje­leri men ustanymdaryna sáıkes árbir talapkerdiń ótinishin qarap sheshim qabyl­­daıtyn bolady. – Ýnıversıtetke túser aldynda talap­ker­ler daıyndyq baǵdarlamasynan ótetin kórinedi. Bul baǵdarlama týraly tolyq aıtyp ber­seńiz. Jalpy oqý granttary kimderge beri­ledi? Grantqa ıe bola almaǵandar aqyly oqı ma? Aqyly oqıtyn bolsa, tóleıtin qarjynyń kólemi qandaı? Keıbir aqparat quraldarynda oqý tólemi týraly áralýan málimetter kezdesip qalady. Qomaqty qarjy­ny daryndy balalardyń, ásirese, aýyldyq jerde turatyn qandastarymyzdyń qaltasy kótere me? – Foundation daıyndyq baǵdarlamasy bakalavrıattyń birinshi bazalyq kýrsyn bildiredi, bul jerde stýdentter profıldi pán­der boıynsha bazalyq bilim, ýnıver­sı­tettiń bilim berý júıesi jáne akademııalyq mádenıeti týraly aqparat alady. О́zderiniń kommýnıkasııalyq daǵdylaryn damytady, aǵylshyn tilinen bilim jetildiredi. Mundaı ıgilikti iske sheteldik joǵary oqý orny – ýnıversıtettiń seriktesi retinde Londonnyń ýnıversıtettik kolledji (USL) qatystyrylady. Ol Times Higher Education gazetiniń baǵa berýi boıynsha álemniń eń úzdik ýnıversıtetteriniń tiziminde 4 orynda tur. Ýnıversıtette oqý aqyly negizde júrgi­ziledi. Bul rette oqý tólemi seriktes – ýnı­ver­­sıtettiń qoıatyn talabyna sáıkes bolady jáne tıisti joǵary oqý oryn­daryn­daǵy osyǵan uqsas balamalarǵa sáıkesten­diriledi. Oqý tólemine oqý shyǵyndary, ýnıversıtet­tiń ǵylymı-tehnıkalyq jabdyqtalýyna jumsalatyn qarjy, professor-oqytýshylar men ákimshilik- basqarýǵa tólenetin eńbek aqy stıpendııa qory jatady. Sonymen qatar, oqýǵa túsý emtıhan­dary­nyń nátıjeleri boıynsha eń joǵary ball jınaǵan talapkerlerdiń memlekettik oqý grant­taryn alýǵa múmkindikteri bar. Bul, árı­ne, ýnıversı­tette tegin oqýǵa múmkindik berý degen sóz. Kúni keshe ǵana 500 grant bólingeni soǵan dálel. Sondaı-aq stýdentterge arnaıy qarjy­lyq kómek kórsetý júıesi qarastyrylyp otyr. Qa­zir­gi tańda onyń kiris kózi, mólsheri týra­ly má­se­­leler sheshilý ústinde. Bul rette stýdent­ter­ge qarjylyq kómek kórsetý týraly sheshimdi qa­byl­daýda olardyń qabiletteri men talant­tary birinshi kezekte eskeriletinin atap ótkim keledi. Sonymen qatar, zamanǵa saı salynyp jat­qan jatahanalarda bilim ordasynyń bar­lyq stýdentteriniń turýyna múmkindik bar. Grant ıeger­leri jataqhanalarda tegin turaty­nyn aıta ketýge bolady. Bir sózben aıtqanda, jastarǵa álemdik deńgeıde jaǵdaı jasalady. – Sabaq aǵylshyn tilinde júrgiziletini belgi­li boldy. Al bul tildi bilmegender, oqysaq dep talaptanǵan talapkerlerge qandaı múmkin­dikter bar? – Iá, ýnıversıtettegi oqý úderisi shetel­dik joǵary oqý oryndarymen, ıaǵnı seriktes­ter talaby qamtamasyz etiletindikten sabaq aǵyl­shyn tilinde júrgiziledi. Sonymen qatar, USL-ke sáıkes tańdalǵan arnaıy pánder boıyn­sha úzdik akademııalyq kórsetkishterge ıe bolǵan, biraq aǵylshyn tilin jetkilikti deńgeıde bilmeı­tin (IELTS kórsetkishi 4,0 tómen emes) talap­ker­lerge aǵylshyn tiliniń English for Academic Purposes jedeldetip oqytý kýrsynan ótý múmkindigi beriledi. Keıinnen ýnıversıtetke oqýǵa túsýge tyń­daý­shylardy daıyndaý boıynsha arnaıy kýrs­tar ashylatyn bolady. Onda aǵylshyn tilin tereń­dete oqytyp, testke daıyndaý kózdelgen. – Ýnıversıtettiń professor-oqytý­shy­lar quramy qalaı jasaqtalyp jatyr? Sizder­de endaýment qory bar kórinedi. Bul qandaı qor, ol nemen aınalysady? – Professor-oqytýshy quramyn qa­byl­­­daý talaptary ýnıversıtet – seriktes­pen anyq­­talatyn bolady. Bekitilgen shart talap­tary­na sáıkes Ulybrıtanııadan 50 oqytý­shy kelip sabaq beredi. Sondaı-aq ýnı­versıtetke eń úzdik ulttyq zertteýshiler shaqy­­rylatyn bolady. Bul oqý sapasynyń artýyna múmkindik beredi. Maqsatty kapıtal qoryn (endaýment qo­ryn) qurýǵa qatysty aıtar bolsaq, ol ýnı­ver­sı­tettiń turaqty damýyn qamtamasyz etý maq­satynda qurylyp, memlekettik, sondaı-aq jeke qurylymdardyń esebinen qarjylan­dy­rylady. Qordyń negizgi mindeti – ýnıver­sıtet­tiń akade­mııalyq, ǵylymı jáne ózge de baǵdar­lamalaryn qarjymen qamtamasyz etý. Qordyń qarajaty arnaıy aktıvterde jınaq­talady. Olardan túsken kiris ýnıversıtettiń ǵylym, bi­lim baǵdarla­malaryn damytýǵa jáne stýdent­terge arnaıy stıpendııalardy berýge paıdalanylady. – Ýnıversıtet álemdegi aldyńǵy qatarly joǵary oqý oryndarymen tyǵyz qarym-qaty­nas jasaıtyny málim, sondaı oqý oryndaryn naqty ataı ketseńiz. – Jańa halyqaralyq ýnıversıtettiń maq­saty – eldiń jańa kásibı qyzmetkerlerin daıarlaýǵa óz úlesin qosý, jastarǵa halyqara­lyq standarttarǵa saı bilim berý. Sol arqyly Qa­zaq­stanǵa álemniń úzdik joǵary oqý oryn­darynan shaqyrylatyn joǵary dárejeli pro­fes­sorlardyń dáristerin talant­ty jastary­myzdyń tyńdaýyna múmkindik berý bolyp tabylady. Osy maqsatty iske asyrý úshin biz jetekshi sheteldik joǵary oqý oryndarymen belsendi kelissóz júrgizip jatyrmyz. О́tken jyldyń aıaǵynda jáne osy jyldyń basynda ýnıversıtet delegasııasy AQSh, Ulybrıtanııa jáne Japonııanyń joǵary oqý oryndaryna issaparmen baryp keldi. Osy kezdesýlerdiń barysynda jetken kelisimder ózara múddeli salalarda sheteldik seriktestiktermen tabysty yntymaqtasýǵa negiz bolyp tabylady. Jalpy, ýnıversıtetti damytý strategııa­sy – álemniń 30 úzdik ýnıversıtetiniń qataryna kiretin jetekshi joǵary oqý oryndarymen yntymaqtastyqty damytýǵa baǵyttalǵan. Búgingi kúni biz ýnıversıtet mektepteriniń (fakýltetteriniń) jáne ǵylymı ortalyq­tary­nyń tujyrymdamalaryn ázirleý másele­sin álemniń jetekshi ýnıversıtetteri­men be­kit­tik. Atap aıtqanda jasalǵan ondaı kelisimder: UCL, Pittsburgh, Carnegie Mellon, Wisconsin-Madison, Duke, Harvard Medical, t.b. Osy kelisimder keleshekte uzaq merzimdi baılanys­qa negiz bolady degen senimdemiz. – Redaksııaǵa habarlasqan talapkerler elimizde joǵary oqý oryndaryn aıaqtaǵannan keıin siz basqaryp otyrǵan ýnıversıtette ekinshi mamandyq alýǵa bola ma, ondaı múmkin­dik bar bolsa qabyldaý qalaı júredi, qandaı mamandyqtar boıynsha oqı alamyz degen suraqtardy alǵa tartyp jatyr. Siz bul týraly ne aıta alasyz? – Joǵaryda da ańǵartyp óttim. Bilim alýdy qalaǵandardyń bári, olardyń akade­mııa­lyq kórsetkishteri sheteldik joǵary oqý oryndary – seriktester belgilegen qabyldaý talaptaryna sáıkes bolsa, ýnıversıtette ekinshi mamandyq alýǵa múmkindikteri bar. 2012 jyldan bastap ýnıversıtette magıstrlik jáne PhD baǵdarlamalar boıyn­sha bıznes mek­tebi jáne memlekettik saıasat mektebi ashyla­dy. Osynyń barysynda akade­mııalyq baǵdarla­ma­lar jáne fakýltetterdegi mamandyqtar tizbesi she­teldik seriktestermen tıisti kelisimderdi bekit­kennen keıin ázirlenetinin de aıta ketsem deımin. – Aslan Bókenuly, Elbasy Joldaýynda ýnıversıtet aıasynda 3 ǵylymı ortalyq ashy­latyny týraly aıtyl­ǵan edi. Sol ortalyqtarda zert­­­teý jumystarymen óz Otany­myzdyń ǵa­lym­dary aınalysa ma, álde shetel­dik oqymystylar tartyla ma? – Suraq oryndy qo­ıy­­­lyp otyr. Prezı­dent N.Á.N­a­zarbaev óz Jol­daýyn­da jańa ýnı­versıtet janynda úsh ǵylymı, atap aıt­qanda: pánaralyq ın­strý­­­mentaldyq orta­lyq, ener­ge­tıkalyq zert­teý orta­lyǵy jáne ómir týraly ǵy­lym ortalyǵyn ashýǵa erek­she kóńil bóldi. Osy orta­lyq­tar “bolashaq ekono­mı­ka­nyń” negizi bo­la­tyn ult­tyq ın­no­va­sııa­lyq júıe­niń ajy­ramas bóligi bolýy tıis. Pánaralyq ınstrý­men­t­aldyq ortalyq (PIO) taldaý jabdyqtar parkin, zerthana fabrı­kalary men zaýyttaryn, jobalyq-sme­­t­a­lyq bıýrony, bilikti qyz­metker­ler quramyn, teh­no­parkti, tehnologııa­lyq bıznes- ınkýbatordy qam­tıtyn pánaralyq ınstrý­mentaldyq park re­tinde qalyptasady. Osyn­­da bız­nes jospar­lar­dyń ınno­va­sııalyq kon­kýrs­tary jáne grantty qarjy­landyrý, t.b. ótkizi­ledi. PIO jara­tylystaný (fızıka, hı­mııa, matema­tıka, bıologııa) ǵy­lym mektebiniń departa­ment­­teri úshin ǵylymı baza bolady. Sondaı-aq óner­kásip jáne halyqaralyq seriktes­termen birlesken zert­­teýlerdi ótkizýge qaty­sady. Energetıkalyq zert­teý­ler ortalyǵyn qurý maqsaty túrli elderden ǵalymdar men ınje­ner­lerdiń ener­getıkalyq já­ne ekologııalyq qaýipsiz­dik­ti qamtamasyz etýdiń aýqymdy máselesin sheshý kózdelgen. Qazirgi ýaqytta tehnologııalardyń kóbi ekologııaǵa oń áseri bar deı almaımyz. Adamnyń densaýlyǵyna zııandy ekeni de belgili. Endeshe, ada­mı ekologııalyq usta­nym­dardy eskere otyryp, talap­tarǵa saı jańa energııany saqtaıtyn jáne zııansyz teh­no­logııalardy engizý qajet. О́mir týraly ǵylym orta­ly­ǵynyń negizgi maqsaty ǵyly­mı qyzmetkerlerdi daıarlaý, irgeli jáne translıasııalyq bıomedısınany damytýdy ınvestısııalaý jolymen sapaly medısına­lyq qyzmetterdi ázirlep Qazaq eliniń básekege qabiletti bıomedısınalyq salasyn qurý bolyp tabylady. Ortalyq qyzmetiniń basym baǵyttary transplanto­logııa, jasandy júrek pen ókpe tehnolo­gııasyn jetildirý jáne engizý, radıohırýrgııa men fetaldy hırýrgııany damytý, adamnyń ómir jasyn uzartýdaǵy medısınanyń rólin arttyrý bolyp tabylady. Ortalyqtardaǵy ǵylymı zertteýlermen otan­­dyq jáne sheteldik zertteýshilermen qa­tar, ýnıversıtettiń stýdentteri de aınalysa alady. – Qazir Elbasynyń uıytqy bolýymen “Bolashaq” halyqaralyq baǵdarlamasy boıynsha shetelderde kadrlar daıyndalyp jatyr. Olardyń aldyńǵy tolqyny el damýyna óz úlesterin qosyp júr. Siz basqaryp otyrǵan ýnıversıtet birde-bir shetelde kadr daıyndaýdy toqtatyp, ózimizde ony júıeli júzege asyrýdy oılastyryp jatyr ma? – Osy jobalardyń árqaısysy el tarı­hy­nan óz ornyn alady dep oılaımyn. “Bolashaq” baǵdarlamasy boıynsha jetekshi sheteldik joǵary oqý oryndarynda bilim alǵan jas mamandardyń kóbi qazirgi ýaqytta el damýyna óz úlesterin qosyp júrgeni málim. “Bolashaq” halyqaralyq baǵdarlamasy da, Astana jańa ýnıversıteti de Prezıdent Nur­sultan Nazarbaevtyń bastamasymen quryldy. “Bolashaq” halyqaralyq bilim berý baǵdarla­masy, jastarymyzdyń bilim deńgeıiniń ósýine baǵyttalǵan onyń birinshi qadamy edi. Al Elbasynyń eldiń ordasynda halyqaralyq deńgeıdegi ýnıversıtetti ashý týraly ıdeıasy – bul qazaq jerinde jańa bilim ordasy arqyly otandyq kásibı qyzmetkerlerdi daıarlaýǵa baǵyttalǵan qundy jumysy boldy. Osy eki úlken bastamanyń arasy – 17 jyl. Qazaq eli osy ýnıversıtetti ashý úshin 17 jyl ázirlik jasady. Tıisti ǵylym-bilim, tehnı­kalyq, zerthanalyq zertteý bazasyn daıarlady. Bul kezeńde Qazaqstan álemdegi básekege ba­ryn­­sha qabiletti 50 eldiń qataryna kirýge umty­lyp áleýeti kúshti, táýelsiz el retinde ózin kór­setti. Endigi jerde myqty kadr ózimizde ázirle­netin bolady. Jańadan qurylǵan ýnıver­sıtet sonyń altyn dińgegi. Bul ýnıversıtette jas qazaq­standyqtarǵa elden shyqpaı-aq, úzdik sheteldik joǵary oqý oryndarynyń deńgeıine saı sapaly bilim alyp, bilikti qyzmetker bolýǵa múmkindik jasaldy. Tek talapqa tótep berse boldy. – Áńgimeńizge rahmet. Áńgimelesken Súleımen MÁMET.