Mysaly, «Hımfarm» AQ shyǵaratyn ónim kólemin 2 esege arttyrdy. Budan bólek, kompanııa sońǵy 2 jylda eksport kólemin 2,5 esege arttyrdy. Búgingi tańda kásiporynnyń dárilik zattary Ortalyq Azııa jáne EAEO naryqtarynda keńinen suranysqa ıe. О́nimder Tájikstan, Túrikmenstan, Mońǵolııa, Reseı jáne Qyrǵyzstan sııaqty elderge eksporttalady.
Sonymen qatar bıyl О́zbekstan naryǵyn ıgere otyryp, eksportty eki esege arttyrý josparlanǵan. Budan bólek, mańyzdy bastamalardyń biri Eýropalyq odaqtyń dárilik naryǵyna shyǵý kózdelgen. Osylaısha, 2023 jylǵa qaraı eksport kólemin 4 esege, ıaǵnı 16 mlrd. teńgege deıin ulǵaıtý josparlanyp otyr.
Búginde kásiporynnyń 11 óndiristik jelide óndiriletin 9 túrli nysandaǵy 120-dan astam dárilik zattardyń ataýlary bar, al bul otandyq óndirýshiniń onnan astam emdik toptarda usynylǵanynyń kórsetkishi bolyp tabylady.
Sondaı-aq Dolce-Pharm farmasevtıkalyq kompanııasy da joǵary kórsetkishterge qol jetkizdi. Kásiporyn shyǵarylatyn ónim kólemin 5 esege arttyrdy. Kásiporyn 1998 jyly quryldy jáne 23 jyl ishinde bir ret qoldanylatyn MMB óndirý salasynda ulttyq kóshbasshy atandy. Búginde kompanııa túrli medısınalyq ónimderdiń 200-ge jýyq túrin shyǵarady. О́ndiristik keshen Almaty oblysynda, Yntymaq aýylynda ornalasqan, onda 450 adam eńbek etedi. Zaýytta 6 óndiristik seh bar.
О́tken jyldyń qorytyndysy boıynsha «Abdı Ibragım Global Farm» JShS shyǵarylatyn ónim kólemin 3% - ǵa ulǵaıtty. Qazirgi ýaqytta kompanııanyń negizgi maqsaty Qazaqstannyń farmasevtıkalyq salasyn odan ári damytý jáne ınnovasııalyq ónimdi satý men jan-jaqty marketıngti qalyptastyrý arqyly TMD elderi arasynda dárilik zattardyń eksporty boıynsha jetekshi oryn alý bolyp tabylady.
Sonymen qatar ósim «SQ-Farmasııa» biryńǵaı dıstrıbıýtory arqyly tegin medısınalyq kómektiń kepildik berilgen kólemi sheńberinde dárilik zattardy jetkizýdiń ulǵaıýymen, sondaı-aq koronavırýstyq pandemııaǵa baılanysty dárilik zattar men medısınalyq buıymdarǵa halyqtyń joǵary suranysyna baılanysty bólshek saýdada ótkizýdiń ulǵaıýymen qamtamasyz etildi.
Esterińizge sala keteıik, ótken jyldyń qazan aıynda farmasevtıkalyq ónerkásipti damytýdyń 2020-2025 jyldarǵa arnalǵan Keshendi jospary bekitildi, ol 54 is-shara men 8 bólimnen turady.
