Parlament • 13 Qańtar, 2021

«Mundaı bolady dep oılaǵan joqpyn» Elimizdegi eń jas depýtat nege jylady?

9464 ret kórsetildi

Taıaýdaǵy saılaýda Májilistegi «Nur Otan» partııasy Fraksııasynyń quramy 70%-ǵa jańardy. Ortasha jasy − 49, ıaǵnı 4 jylǵa jasardy, dep habarlaıdy Egemen.kz

Partııa Tóraǵasynyń Parlament Májilisindegi jastar men áıelderdiń úlesin arttyrý jónindegi tapsyrmasy naqty iske asyryldy. Iаǵnı «Nur Otan» Fraksııasynyń jańa quramynyń 40%-y áıelder men 35 jasqa deıingi jastardan turady.

Solardyń ishinde Parlament Májilisinde eń jas depýtat bolyp Mádı Abylaıuly Ahmetov saılandy. Onyń jasy nábári 25-te. Buǵan deıin «Nur Otan» Fraksııasyndaǵy eń jas depýtat Gennadıı Shıpovskıh bolǵan edi.

Praımerız saılaýynda top arasynan eren shyqqan Mádı Ahmetov buǵan deıin kópshilikke: «Almaty qalasynda Elbasyna eskertkish ornatý kerek» degen usynysymen tanylǵan-dy.

Mádı Ahmetovtyń ózi atalǵan jańalyqqa biraz tańyrqap qalǵanyn jetkizdi.

«Shynymdy aıtsam, mundaı bolady dep oılaǵan joqpyn. Jańa ǵana anashymmen sóılesip, qýanyshtan kózime jas aldym. Árıne depýtattyqqa úmitim boldy. Biraq mundaı bolaryna sengen joqpyn», deıdi Mádı Ahmetov.

Mádı Abylaıuly Ahmetov 1995 jyly 18 qyrkúıekte Almaty qalasynda dúnıege kelgen. Joǵary bilimdi azamat óziniń eńbek jolyn I Halyqaralyq jýrnalıstıka jáne kommýnıkasııa Qysqy mektebi uıymdastyrý komıtetinde (2013 j.), II-III Halyqaralyq jýrnalıstıka jáne kommýnıkasııa jazǵy mektebinde (2014-2015 j.j.), Álııa Nazarbaevanyń «Jandaný» jobasy aıasynda Qazaqstan Respýblıkasy jastarynyń I Ulttyq Ekologııalyq forýmynda, I Halyqaralyq «Máńgilik El» ulttyq ıdeıasy: Mádenı kapıtaldy qalyptastyrý máseleleri» gýmanıtarlyq forýmynda (2014 j. 4 jeltoqsan), jáne IV Dúnıejúzilik túrikter forýmynda (Túrkııa, Stambýl 2015 j. 23-24 sáýir) komandasynda jumys istegen. Ol buǵan deıin 23 jasynda JOO dekan orynbasary bolsa, keıinnen Nur Otan partııasy Jas Otan jastar qanatynyń Almaty boıynsha tóraǵasy laýazymynda qyzmet atqarǵan.

Sońǵy jańalyqtar

6 óńir «jasyl» aımaqta tur

Koronavırýs • Keshe

Depýtatty pyshaqtap ketti

Álem • 15 Qazan, 2021

Sheteldik vaksınalar aqyly bolady

Koronavırýs • 15 Qazan, 2021

Almatyda úsh esirtki zerthanasy joıyldy

Aımaqtar • 15 Qazan, 2021

Qazaqstanda revaksınasııa qalaı ótedi?

Koronavırýs • 15 Qazan, 2021

Uqsas jańalyqtar