Jetisýlyqtardyń Táýelsizdik kúni qarsańyndaǵy bir qýanyshy Taldyqorǵan – Almaty arasyndaǵy áýe jolynyń qaıta ashylýy boldy. Keshe JTU 6060 reısimen alǵashqy jolaýshylar Jetisýdyń kindik qalasynan ońtústik astanaǵa attandy.
Jetisýlyqtardyń Táýelsizdik kúni qarsańyndaǵy bir qýanyshy Taldyqorǵan – Almaty arasyndaǵy áýe jolynyń qaıta ashylýy boldy. Keshe JTU 6060 reısimen alǵashqy jolaýshylar Jetisýdyń kindik qalasynan ońtústik astanaǵa attandy.
– Osydan 12 jyl buryn ashylyp, toǵyz aı eki qalanyń ortasynda áýe qatynasyn ornatqan ushaqqa suranystyń bolmaýyna baılanysty toqtatylǵan edi. Endi Almaty oblysynyń ákimi Ańsar Musahanovtyń arnaýly sheshimimen jańǵyrtyldy. Taldyqorǵan – Almaty qalalarynyń ortasynda 40-45 mınýt ushatyn «IаK – 40» ushaǵynda 34 jolaýshy orny bar. Jol aqysy 7500 teńge turady. Aptasyna tórt ret dúısenbi, sársenbi, senbi, jeksenbi kúnderi Taldyqorǵannan Almatyǵy JTU 6060 reısimen ushyp, al Almatydan Taldyqorǵanǵa JTU 6061 reısimen qaıta kelip qonady, dedi «Jetisý avıakompanııasy» AQ vıse-prezıdenti Petr Jýravlev.
Qalaaralyq áýe qatynasynyń ushý-qoný ýaqyty belgilengen ýaqytta áýejaı qyzmetkerlerimen habarlasqanymyzda olar alǵashqy reıstiń sátti bolǵanyn, munyń Táýelsizdik kúnine arnalǵan tartý ekenin aıtty.
Nurbol ÁLDIBAEV,
«Egemen Qazaqstan».
Almaty oblysy.
