Jábirlenýshiniń aıtýynsha, onyń úıine belgisiz er adam kelip, 5 jasar nemeresin aldap, myń teńge berip, balanyń Samsung markaly uıaly telefonyn urlap ketken. Oblys ortalyǵynyń turǵynyna keltirilgen shyǵyn somasy shamamen 150 myń teńgeni quraıdy.
Jedel-izdestirý is-sharalarynyń nátıjesinde Túrkistan qalasynyń polısııa qyzmetkerleri kúdiktini birneshe saǵat ishinde quryqtap, qamaýǵa aldy.
Qyzylorda oblysynyń turǵyny bolyp shyqqan kúdiktini jedel túrde qalalyq polısııa basqarmasyna jetkizdi. Nátıjesinde, zattaı dálel retinde alynǵan uıaly telefon zańdy ıesine qaıtaryldy. Keıinirek belgili bolǵandaı, kúdiktini kórshi oblysta 4 páterge jasaǵan urlyǵy úshin izdestirgen.
Aıtolqyn MYRZAKARIM
