«Qymbatty dostar! О́zderińiz biletindeı, «Nur Otan» barlyq 216 aýmaqtyq máslıhattarǵa tizimder usyndy. Jergilikti ókildi organdarǵa saılaý qorytyndysy boıynsha partııaǵa orta eseppen saılaýshylardyń 82,4%-ti daýys berdi. Osylaısha, barlyq deńgeıdegi máslıhattardaǵy 3 276 orynnan nurotandyqtar 2 701 mandat aldy.
Keshe partııa fılıaldarynyń saıası keńesteri bıýrolary otyrystarynyń qorytyndylary boıynsha elimizdiń barlyq oblystary, aýdandary men qalalaryndaǵy máslıhattar depýtattarynyń tizimi jasalyp, tirkeý úshin óńirlik saılaý komıssııalaryna joldandy.
Jalpy, máslıhattardaǵy bizdiń fraksııalardyń quramy 65%-ke jańardy.
Partııanyń depýtattyq korpýsy 6 jylǵa jasardy, búginde halyq qalaýlylarynyń ortasha jasy 45 jasty quraıdy», - dep jazdy partııa Tóraǵasynyń birinshi orynbasary.
Sondaı-aq, ol jańadan saılanǵan depýtattardyń arasyndaǵy áıelder men jastardyń úles sanyna erekshe toqtaldy.
«Nur Otan»-nan saılanǵan barlyq depýtattardyń úshten biri – áıelder, 23% – 35 jasqa deıingi jastar. Olardyń qatary sáıkesinshe 11%-ke jáne 16%-ke artty. Osylaısha, Elbasy, partııa Tóraǵasy N.Á.Nazarbaevtyń barlyq deńgeıdegi maslıhattarda áıelder men jastardyń úles sanyn arttyrý jónindegi tapsyrmasy tolyq oryndaldy.
423 depýtat – partııaǵa jańadan kirgen, praımerız aıasyndaǵy áleýmettik lıftini paıdalana otyryp, partııaishilik irikteýdiń barlyq kezeńderinen ótken azamattyq belsendiler, qoǵamdyq pikir kóshbasshylary.
Depýtattyq korpýsqa bilim jáne ǵylym, densaýlyq saqtaý, mádenıet jáne sport, ÚEU, BAQ, kásipodaq, ónerkásip ókilderi, sondaı-aq kásipkerler, fermerler, kópbalaly analar, qandastar, erekshe qajettilikteri bar adamdar jáne t.b. kirdi. Máslıhattarda ár túrli sanattaǵy azamattardyń ókildik etýi sheshimder qabyldaýdyń teńgerimdiligin jáne barlyq áleýmettik toptardyń múddelerin qorǵaýdy qamtamasyz etedi.
Elbasy atap ótkendeı, «Nur Otan» partııasynan depýtat bolý – artyqshylyq emes, úlken jaýapkershilik. Aldymyzda aýqymdy mindetter tur. Tek birlesip qana biz barlyq qıyndyqtardy eńserip, kózdegen maqsattarymyzǵa qol jetkize alamyz!» - dep jazdy Baýyrjan Baıbek.
