Aımaqtar • 14 Qańtar, 2021

Jazasyn óteýshiler D.Qonaevtyń týǵan kúnin atap ótti

110 ret kórsetildi

Mańǵystaý oblysy boıynsha QAJ departamentine baǵynysty GM-172/6 mekemesinde asa kórnekti memleket jáne qoǵam qaıratkeri Dinmuhamed Ahmetuly Qonaevtyń týǵan kúni qurmetine arnalǵan jazasyn ótep jatqan sottalǵandar arasynda shyǵarmashylyq kesh uıymdastyryldy.

Is-shara barysynda sottalǵandarǵa Dinmuhamed Qonaevtyń ómirbaıany, eńbek joldary, ıgi isteri men jetistikteri, marapattary, maqalalary men kitaptary, esimi berilgen jerler boıynsha dáris oqyldy.

Jasaq bastyǵy ádilet aǵa leıtenanty Nursultan Átirhan dáriste Dinmuhamed Ahmetuly óz zamanynda uly saıasatker bola bilgenin, Ol bılik basynda bolǵan ýaqyt qaıshylyqty kúrdeli, qarama-qaıshylyqty bolǵanymen, elimizdiń ekonomıkasyn, áleýmettik salasyn, ǵylymyn, ulttyq mádenıetin damytý isine aıtýly eńbek sińirgenin sottalǵandardyń nazaryna jetkizdi. Sondaı-aq, ataqty memleket jáne qoǵam qaıratkeri el basqarǵan jyldary keń baıtaq qazaq jerinde 68 jumysshylar kentimen 43 qala, atap aıtqanda ónerkásip ortalyǵy bolyp sanalǵan Rýdnyı, Ekibastuz, Shevchenko (qazirgi Aqtaý), Nıkolskıı, Stepnogorsk, Temirtaý, Jańatas, Kentaý, Arqalyq qalalary salynǵany týraly baıandady.

Shyǵarmashylyq keshtiń ekinshi jartysynda Mańǵystaý oblysy boıynsha QAJ departamenti bastyǵynyń orynbasary ádilet podpolkovnıgi Qanat Shamardanulynyń uıymdastyrýymen, mekemeniń ashanasynda dastarhan jaıylyp, sottalǵandarǵa palaýdan dám tatty.

Is-shara sottalǵandardyń patrıottyq sezimin oıatý jáne elimizdiń tanymal tulǵalasymen tanystyrý maqsatynda uıymdastyryldy.

Sońǵy jańalyqtar

«Barys» utylyp qaldy

Sport • Keshe

Eldos Smetov kúmis aldy

Sport • Keshe

Uqsas jańalyqtar