Bul Ant qabyldaý rásimi burynǵydan ózgeshe ótti. Álemde beleń alǵan indettiń aldyn alý maqsatynda jas sarbazdardyń ata-analary uldarynyń ant qabyldaý rásimin áskerı bólimniń áleýmettik jelidegi paraqshasynan tikeleı efırde tamashalady. Sarbaz bolyp sap túzep, Otan aldynda sert bergen órenderdi Qazaqstan Respýblıkasy Tótenshe jaǵdaılar mınıstrligi Azamattyq qorǵanys jáne áskerı bólimder komıteti tóraǵasynyń orynbasary general-maıor Ularbek Abykeev bastaǵan qonaqtar quttyqtap, el tynyshtyǵyn kúzetý abyroıly is ekenin Otan qorǵaýshylardyń jadyna taǵy bir salyp ótti.
– Áskerı ant qabyldaý – Otanyńa, halqyńa aqtyq demiń shyqqansha adal bolý, el basyna syn saǵat tónse, moıymaı kóterý, qajet bolsa jan qııý degen sóz. Ant – adaldyq rýhy. Halqymyz «Anttan attaǵany – ardan attaǵany» deıdi. Iаǵnı adamzat normalarynyń qalyptasqan shegi ar bolsa, ony buzý opasyzdyqqa jatady. Búgin saıdyń tasyndaı 200 sarbazymyz Áskerı ant qabyldap, Otan qorǵaýshylardyń qataryna qosyldy. Osy ýaqyttan bastap olarǵa júktelgen mindet te zor. О́ıtkeni Áskerı ant – áskerı ómirdiń ózgermeıtin zańy. Onda Otandy qorǵaýdyń, onyń ishinde halyqqa jáne zańdy saılanǵan Prezıdentke adal qyzmet etýdiń aıqyn belgileri bar. Áskerı ómir qanshalyqty qıyn bolǵanymen, jarǵymen belgilengen talaptardy oryndaý – paryz jáne qasıetti mindet. Sarbazdardyń mindet – ózine júktelgen mindetti abyroımen oryndaý, – deıdi 28 237 áskerı bóliminiń komandıri podpolkovnık Danııar Qasymov.
Ant qabyldap, naǵyz sarbaz atanǵan jas jaýyngerler aldaǵy ýaqytta Keńes Odaǵynyń Batyry Baýyrjan Momyshulynyń esimin ıelenetin áskerı bólim jeke quramynyń sapynda respýblıka kólemindegi azamattyq qorǵanys salasyndaǵy tótenshe jaǵdaılardyń saldaryn joıý jáne apat bolǵan jerlerde qutqarý jumystaryn júrgizý boıynsha túrli mindetterdi oryndaıtyn bolady.
ALMATY
