Beısenbige qaraǵan túni Almaty qalasynyń tómengi bóliginde ornalasqan «Alataý-2» bazary órtendi. Bul týraly Gazeta.kz habarlady.
Tótenshe jaǵdaılar mınıstrligi baspasóz qyzmetiniń taratqan málimdemesinde, túngi saǵat 01:54-te bazar tóńiregindegi bes saýda-qoıma konteıneri órtengen. 150 sharshy metr aýmaqty sharpyp úlgergen jalyn saǵat 03:13-te sóndirildi. Ázirge zardap shekken adamdar týraly aqparat aıtylǵan joq.
Soltústik aınalymdaǵy «baraholka» atanyp ketken bazarlar buǵan deıin de birneshe ret órtengen edi.17-qarashada bolǵan sońǵy órt saldarynan «Qulager» bazarynyń 3800 sharshy metri kúlge aınaldy. Aldyn ala jasalǵan boljam boıynsha bazarǵa qasaqana ot qoıylǵan degen derek bar. Al qyrkúıek aıyndaǵy órt kezinde 3 birdeı bazar órtenip, 5 myń sharshy metrden astam aýmaq órtke oranǵan-dy.
Baqytbek Keneshuly.
Derekkóz: Gazeta.kz
