Keńeske qala aýdandarynyń ákimderi, qoǵamdyq densaýlyq, kásipkerlik jáne ınvestısııalar basqarmalarynyń basshylyǵy qatysty. Keńeske qala aýdandarynyń ákimderi, qoǵamdyq densaýlyq, kásipkerlik jáne ınvestısııalar basqarmalarynyń basshylyǵy qatysty.

Búgingi tańda Almatyda koronavırýs ınfeksııasyn juqtyrýdyń 20 111 jaǵdaıy tirkelgen, bul rette sońǵy táýliktiń ózinde juqtyrýdyń 131 faktisi anyqtalyp otyr. 2020 jylǵy jeltoqsan aıynyń birinshi onkúndigimen salystyrǵanda koronavırýstyq ınfeksııa boıynsha syrqattanýshylyqtyń 1,7 ese ósýi tirkeldi. 2021 jyldyń 1 qańtarynan bastap ortasha eseppen 100-den 130-ǵa deıin jaǵdaı tirkeledi.

Eń kóp aýyrǵandar 20-39 jas aralyǵynda baıqalady – 35%, 40-59 jas aralyǵynda – 31%. Negizgi juqtyrý oryndary qoǵamdyq oryndar (saýda, qoǵamdyq tamaqtaný nysandary) bolyp tabylady – 41%.

2020 jyldyń 8 qazanynan aǵymdaǵy jyldyń 14 qańtaryna deıin 832 is-shara ótkizildi, onyń barysynda 6971 nysan qamtyldy. Tekserý qorytyndysy boıynsha 1168 (17%) nysanda karantındik sharalardyń buzylýy anyqtaldy.

QR ÁQBtK 425-baby 1-bóligi shekteý is-sharalaryn saqtamaǵany úshin barlyǵy 1014 ákimshilik quqyq buzýshylyq týraly hattama jasaldy: zańdy tulǵalarǵa – 77 779 140 teńge somasyna 287;

jeke tulǵalarǵa qatysty betperde rejımin buzǵany úshin QR ÁQBtK 425-baby 1-bóligi boıynsha 30 294 090 somasyna 727 ákimshilik quqyq buzýshylyq týraly hattama jasaldy.

Sondaı-aq 20 materıal sotqa berildi. Bir aptada a.j. 8-14 qańtar aralyǵynda 52 is-shara ótkizilip, 476 nysan qamtyldy.

Epıdemııalyq jaǵdaıdyń odan ári ýshyǵýyna jol bermeý maqsatynda qala ákiminiń orynbasary Erjan Babaqumarov aýdan ákimdikteri janyndaǵy monıtorıngtik toptarǵa juqtyrý qaýpi joǵary jerlerde, onyń ishinde saýda ortalyqtarynda, bazarlarda tekserý is-sharalaryn kúsheıtýdi tapsyrdy.

Qoǵamdyq tamaqtaný uıymdary qataryndaǵy shekteý sharalaryn «qasaqana buzýshylar» erekshe baqylaýda. Búgingi tańda Almaty qalasynyń mamandandyrylǵan soty kásipkerlerdiń 16 nysanyna ákimshilik aıyppul salý jáne qyzmetin toqtatý týraly sheshim shyǵardy. Bul jumys jalǵasýda.

Qalanyń Kásipkerlik jáne ınvestısııalar basqarmasy óz kezeginde túsindirý jumystaryn júrgizetin bolady. Erjan Babaqumarov kásipkerlik sýbektileriniń sanıtarlyq-epıdemııalyq qaýipsizdik sharalaryn saqtamaýy qyzmetti toqtatýdan basqa kelýshiler men personal qyzmetkerleriniń jappaı juqtyrýyna ákelýi múmkin ekenin atap ótti.

Almaty ákimdigi menshik nysanyna qaramastan kásipkerlik sýbektilerinen, sondaı-aq megapolıs turǵyndary men qonaqtarynan sanıtarlyq-epıdemııalyq qaýipsizdik sharalaryn buzbaýdy suraıdy.

Bıznes sýbektileri, ásirese saýda-oıyn-saýyq ortalyqtary, saýda úıleri, azyq-túliktik emes dúkender qalanyń bas memlekettik sanıtar dárigeriniń Qaýlysymen belgilengen barlyq talaptardyń tolyq oryndalýyn qamtamasyz etýi qajet:

qyzmetkerlerdiń barynsha qashyqtyqtan jumys isteý formatyna aýysýyn qamtamasyz etý;

jaýapty adamǵa jumys (aýysym) bastalar aldynda baılanyssyz termometrlerdi (teplovızorlardy) paıdalana otyryp, qaǵazǵa nemese elektrondy tasyǵyshtarda tirkeı otyryp, personaldyń kún saıynǵy termometrııasyn júrgizý);

respıratorlyq ınfeksııanyń kez kelgen belgileri (qyzba, jótel, tamaqtyń aýyrýy, tynys alýdyń qıyndaýy) bar qyzmetkerlerdi jumysqa kelýin boldyrmaý, sımptomdar anyqtalǵan nemese paıda bolǵan jaǵdaıda jedel medısınalyq járdem brıgadasyn shaqyrý qajet;

personaldy qoldy óńdeýge arnalǵan bir rettik medısınalyq betperdelermen, bir rettik qolǵaptarmen, teri antıseptıkteriniń qorymen qamtamasyz etý.

saýda zaldarynda, kassa aımaǵynda kórinetin jáne qoljetimdi jerlerde, nysanǵa kireberiste qoldy dezınfeksııalaýǵa arnalǵan sanıtaızerlerdiń ornatylýyn qarastyrý, koronavırýs ınfeksııasynyń aldyn alý boıynsha jadynamalardy ornalastyrý;

kelýshilerge termometrııa júrgizý;

4 sh. m. alańǵa 1 adam esebinen kelýshiler sanyn shekteýdi qamtamasyz etý;

saýda zaldaryna kirýge ruqsat áleýmettik belgi bolǵan jaǵdaıda júzege asyrylady;

ǵımarattardy dezınfeksııalaý, ǵımarattarǵa kún saıyn ylǵaldy tazalyq jumystaryn júrgizý;

COVID-19 koronavırýstyq ınfeksııasynyń aldyn alý jónindegi is-sharalardy uıymdastyrýǵa jáne júzege asyrýǵa saýda nysanynyń ákimshiligi jaýapty bolady.