Aımaqtar • 17 Qańtar, 2021

Qostanaıda 5-11 synyp oqýshylary qashyqtan oqýǵa kóshti

21 ret kórsetildi

Qostanaı qalasynyń 5-11 synyp oqýshylary qashyqtan oqýǵa kóshti. Bilim basqarmasynyń málimetinshe, qańtardyń birinen on besine deıin oblys ortalyǵynda koronovırýspen aýyrǵan 53 oqýshy tirkelgen. Indet juqtyrǵandardyń ishinde qashyqtan oqyp jatqan 34, kezekshi synyptarǵa baryp júrgen 19 bala bar.

Munyń syrtynda, jyl basynan beri bilim salasynda júrgen 50 adamnyń koronovırýs indetimen aýyrǵany belgili bolyp otyr. Munyń ishinde kezekshi synyptarda sabaq bergen 19, qashyqtan oqytyp júrgen 16 muǵalim jáne mektepke deıingi mekemelerde jumys isteıtin 18 tárbıeshi bar.     

Bilim mekemelerindegi sanıtarlyq-epıdemııalyq ahýaldyń asqynýyna baılanysty,  Qostanaı qalasynyń bas sanıtarlyq dárigeri A.Baıkenov bilim mekemelerindegi sanıtarlyq talapty kúsheıtý týraly jańa qaýly qabyldap, 5-11 synyp oqýshylaryn qańtardyń 18-inen 31-ine deıin qashyqtan oqytý rejimine aýystyrdy.

Bilim basqarmasynyń basshysy Z.Baımenovanyń aıtýynsha, 1-4 synyp oqýshylary burynǵydaı ǵana kezekshi synyptarda bilim alady. «Alaıda balalaryn qashyqtan oqytý rejimine kóshirgisi kelgen ata-analarǵa esh qarsylyq bolmaıdy», dedi basqarma basshysy.

Oblys ortalyǵynan tys jatqan qalalar men aýdandardaǵy mektepterdiń kóbi qazirshe burynǵydaı dástúrli rejimde jumys istep jatyr. Tek Altynsarın, Qarasý aýdanyndarynda 5 mektep jáne  Rýdnyı qalasy men Altynsarın aýdanynda 4 balabaqsha qashyqtan jumys isteýge kóshirildi. 

JOO men kolledj stýdentteri oqýlaryn qalypty rejimde jalǵastyrady.        

 

Qostanaı oblysy

Sońǵy jańalyqtar

«Ýkaznoı molda»: Ol kim?

Rýhanııat • Búgin, 22:45

Qylań

Tanym • Búgin, 22:27

Ekpe saldyrýshylar sany artyp keledi

Aımaqtar • Búgin, 22:20

Saýran aýdanyna alǵashqy ákim taǵaıyndaldy

Taǵaıyndaý • Búgin, 15:52

Atyraý oblysynda 37 jańa mektep salynady

Aımaqtar • Búgin, 15:27

Jalaqysy kóp óńirler anyqtaldy

Qarjy • Búgin, 14:30

Veterınarlar qartaıyp barady

Qazaqstan • Búgin, 12:10

Uqsas jańalyqtar