«Bıyl elordada emhana ashylady. Emhana ádettegi fýnksıonaldyq mindetterine qosa, pandemııa kezeńiniń barlyq talaptaryna sáıkes keledi. Onda aımaqtar "las" jáne "taza" dep bólingen; ishke aıdaý jeldetkish júıesi, telemedısınaǵa arnalǵan konferens-zal jáne t. b. ornatylǵan.
Jańǵyrtylǵan emhana Esil aýdanynda ornalasqan. Buǵan deıin aýdanda tek №9 emhana boldy. Basqa medısınalyq uıymdardyń bolmaýyna baılanysty №9 emhanaǵa júkteme shamadan tys artylyp keldi.
Emhana tolyǵymen jeke ınvestısııalar esebinen salyndy. Qala turǵyndary úshin memlekettik tapsyrysty oryndaımyz.
Sonymen birge, damyp kele jatqan aýdanda ornalasqan jekemenshik balabaqshaǵa bardym. Bul balabaqsha da jeke ınvestısııa tartý esebinen salyndy. Jeke ınvestısııa tartý - nysandardy salý jáne toltyrý kezinde qarajatty únemdeýge múmkindik beredi.
Sonymen qatar, Memleket basshysynyń tapsyrmasy boıynsha, jeke kapıtaldy basqa da birqatar mańyzdy nysandardyń qurylysyna tartamyz. Bul áleýmettik, ınfraqurylymdyq, óndiristik, logıstıkalyq jáne basqa jobalar. Árbir ınvestorǵa – ákimshilik kedergilerdi alyp tastaı otyryp, erekshe kóńil bólemiz», dep jazdy qala ákimi.
