Qoǵam • 18 Qańtar, 2021

Úıdi bólise almaǵan balalary anasyn soqqyǵa alǵan

1686 ret kórsetildi

Shymkent qalasynda qart anany qyzdary men kúıeý balalary úıdi bólisý úshin uryp-soqqan, dep habarlaıdy Egemen.kz

Bul týraly advokat Erkin Kaharov óziniń Facebook paraqshasynda aıtty.

Onyń aıtýynsha, qart áıeldi óz qyzdary kúıeýlerimen urǵan. Bul jaǵdaıdyń basty sebebi – ákesinen muraǵa qalǵan úıdi bólise almaýy. Advokat munyń bári qart ana marqum kúıeýimen birge salyp, ómir boıy turyp kelgen úıin 2018 jyly óziniń kishi qyzyna syıǵa tartqan kezden bastalǵanyn aıtty.

Alaıda, úıdi kishi qyzynyń atyna aýdarǵannan on kún ótken soń, qyzy qaıtys bolady. Jyljymaıtyn múliktiń murageri osy kishi qyzdyń kúıeýi jáne onyń eki balasy boldy. Úıdiń 1/8 bóligi zańǵa sáıkes, birinshi kezektegi murager retinde ájeniń ózine tıesili. Degenmen, kenje qyzynyń kúıeýi áıeli qaıtys bolǵannan 40 kún ótken soń, qaıyn enesinen úıden ketýin suraǵan. Biraq qart ana baratyn jeri joq jáne onyń úıi osynda ekenin aıtqan. Osy jaǵdaıdan soń sot prosesteri bastaldy.

Ájeniń aıtýynsha, sot talqylaýyna ol 1,8 mıllıon teńge jumsap, nátıjesinde sotta jeńilis tapqan.

Keıin ájeniń qalǵan eki qyzy muradan óz úlesterin almaq bolyp, kishi qyzynyń kúıeýimen qosylyp týǵan analaryn uryp soqqan. Nátıjesinde, ananyń sol qoly eki jerden synyp, denesinde kóptegen kógerý men jaralar qalǵan.

Erkin Kaharov atap ótkendeı, oryn alǵan jaǵdaıdan keıin ol óz ózine qol jumsamaq bolǵan. Sonymen qatar jergilikti turǵyndar anasyn uryp soqqan qatygez balalardy jazalaý týraly ótinishpen polısııaǵa júgingen, biraq olardan ázirge jaýap bolmaı otyr.

 

Aıtolqyn MYRZAKERIM

Sońǵy jańalyqtar

Teńge qymbattaıdy

Qarjy • Búgin, 17:30

Qazaqstanda 480 adam koronavırýstan aıyqty

Koronavırýs • Búgin, 09:55

«Barys» utylyp qaldy

Sport • 06 Naýryz, 2021

Almatynyń ortasyndaǵy kóshe opyrylyp qaldy

Aımaqtar • 06 Naýryz, 2021

Taraz qalasynda 135 otbasy baspanaly boldy

Aımaqtar • 06 Naýryz, 2021

Jansaı Smaǵulov júldege talasady

Sport • 06 Naýryz, 2021

Eldos Smetov kúmis aldy

Sport • 06 Naýryz, 2021

Oraldyq magıstranttar qazaq ádebıetin oqıdy

Aımaqtar • 06 Naýryz, 2021

«Qaırat» – qola júldeger

Aımaqtar • 06 Naýryz, 2021

Teńiz kenishinde 5 avtobýs otqa orandy

Aımaqtar • 06 Naýryz, 2021

Uqsas jańalyqtar