Úkimet • 18 Qańtar, 2021

Senatorlar jol qozǵalysyna qatysty zań jobasyn qaraıdy

11 ret kórsetildi

Senat Spıkeri Máýlen Áshimbaevtyń tóraǵalyǵymen Palata Bıýrosynyń otyrysy ótti, dep habarlaıdy Egemen.kz Senattyń baspasóz qyzmetine silteme jasap.

О́z sózinde Senat Tóraǵasy VII shaqyrylymdaǵy Parlamenttiń birinshi sessııasynyń ashylýynda Memleket basshysy belgilep bergen mindetterdiń mańyzyna erekshe nazar aýdardy.

«Adam quqyǵyn qorǵaý, áleýmettik saıasat, ulttyq ekonomıka, óńirlerdi damytý, saıası jańǵyrý, azamattyq ınstıtýttardyń belsendiligin arttyrý salalary boıynsha qolǵa alynǵan jumystar jalǵasa beredi. Prezıdentimiz atap ótkendeı, osy baǵyttaǵy reformalardy iske asyrýda Parlament úlken ról atqarady. Barlyq mindetterdi tabysty oryndaý úshin Senat Májilispen birge tıisti sapaly zańdar qabyldaýy qajet», dedi Máýlen Áshimbaev.

Bıýro otyrysynda senatorlar depýtattardyń óńirlerge sapary jóninde komıtet tóraǵalarynyń aqparattaryn tyńdady jáne Palatanyń 2021 jylǵy 21 qańtarda ótetin otyrysynyń kún tártibin talqylady.

Aldaǵy otyrysta senatorlar Parlament depýtattary bastamashy bolǵan «Qazaqstan Respýblıkasynyń keıbir zańnamalyq aktilerine jol júrisi máseleleri boıynsha ózgerister men tolyqtyrýlar engizý týraly» zań jobasyn qaraıdy. Zańǵa engiziletin jańa normalar kólik júrgizgen kezde júrgizýshi kýáligin, avtomobıldiń tehnıkalyq pasportyn jáne basqa da birqatar qujattardy ózińmen birge alyp júrý mindetin alyp tastaýdy kózdeıdi.

Sonymen qatar depýtattar Palata otyrysynyń qaraýyna «Qazaqstan Respýblıkasynyń Úkimeti men Bilim, ǵylym jáne mádenıet máseleleri jónindegi Birikken Ulttar Uıymy (IýNESKO) arasyndaǵy IýNESKO aıasynda Mádenıetterdi jaqyndastyrý halyqaralyq ortalyǵyn (2-sanat) qurý týraly kelisimdi ratıfıkasııalaý týraly» zań jobasyn shyǵardy. Qujatty ratıfıkasııalaǵannan keıin Qazaqstan IýNESKO-nyń halyqaralyq dıalog salasy boıynsha saıasatyn ázirleý jumystaryna qatysýǵa múmkindik alady. Sondaı-aq, elimiz osy saladaǵy ǵylymı zertteýler úshin óńirlik habqa aınalady.

Odan bólek, senatorlar aldaǵy beısenbide «2007 jylǵy 6 naýryzdaǵy Qazaqstan Respýblıkasynyń Úkimeti men Grýzııa Úkimeti arasyndaǵy Halyqaralyq avtomobıl qatynasy týraly kelisimge ózgerister men tolyqtyrýlar engizý týraly hattamany ratıfıkasııalaý týraly», «Qazaqstan Respýblıkasy men Halyqaralyq qarjy korporasııasy arasyndaǵy Qazaqstan Respýblıkasynda ofıster qurý jáne olardyń qyzmeti týraly kelisimdi ratıfıkasııalaý týraly» jáne «Táýelsiz Memleketter Dostastyǵyna qatysýshy memleketterdiń ıadrolyq avarııa nemese radıasııalyq avarııalyq ahýaldyń týyndaý jaǵdaıyna daıyndyqty jáne olardyń zardaptaryn joıý kezindegi ózara kómekti qamtamasyz etý boıynsha ózara is-qımyly týraly kelisimdi ratıfıkasııalaý týraly» zań jobalaryn qaraıdy.

Sońǵy jańalyqtar

Teńge qymbattaıdy

Qarjy • Búgin, 17:30

Qazaqstanda 480 adam koronavırýstan aıyqty

Koronavırýs • Búgin, 09:55

«Barys» utylyp qaldy

Sport • 06 Naýryz, 2021

Almatynyń ortasyndaǵy kóshe opyrylyp qaldy

Aımaqtar • 06 Naýryz, 2021

Taraz qalasynda 135 otbasy baspanaly boldy

Aımaqtar • 06 Naýryz, 2021

Jansaı Smaǵulov júldege talasady

Sport • 06 Naýryz, 2021

Eldos Smetov kúmis aldy

Sport • 06 Naýryz, 2021

Oraldyq magıstranttar qazaq ádebıetin oqıdy

Aımaqtar • 06 Naýryz, 2021

«Qaırat» – qola júldeger

Aımaqtar • 06 Naýryz, 2021

Teńiz kenishinde 5 avtobýs otqa orandy

Aımaqtar • 06 Naýryz, 2021

Uqsas jańalyqtar