DDU sarapshylarynyń pikirinshe, qazirgi ýaqytta álemdegi 6 aıǵa deıingi balalardyń shamamen 35%-y emshek sútimen qorektenedi. Eger anasy COVID-19 aýrýymen aýyrsa, birinshi kezekte dárigerge qaralýy kerek. Biraq balany emizgende analary tynys alý gıgıenasynyń erejelerin saqtaý talap etiledi.
Mamandardyń aıtýynsha, aýyz ben muryndy jabatyn betperde taǵýy qajet. Mindetti túrde balasyn qolǵa almastan buryn jáne odan keıin 20 sekýnd ishinde qoldy sabyndap jýǵany jón. Eger COVID-19 juqtyrǵan ana ózin tym nashar sezinse, balany emshek sútimen basqa joldarmen, onyń ishinde sútti saýyp berý arqyly tamaqtandyrsa bolady. О́ıtkeni balanyń anasynyń baýyrynda bolyp, tek omyraý sútimen emizý náresteniń barynsha durys ósip-jetilýine járdemdesedi.
Nárestelerge maska taǵýǵa bolmaıdy. Sheshesi barlyq qaýipsizdik talaptaryn saqtaı otyryp, balany tamaqtandyrýǵa keńes beriledi. Sebebi ananyń denesinde paıda bolatyn antıdeneler balaǵa beriledi de, onyń densaýlyǵyna paıda keltiredi.
Ana sútiniń quramy erekshe, óıtkeni ýyzda balany syrtqy zııandy ortadan qorǵaıtyn kóptegen ımmýndyq faktorlar bar.
DDU usynystaryna sáıkes balany emizýdi 2 jastan asqansha, tipti odan da kóp ýaqytqa jalǵastyrý kerek. О́ıtkeni emizý 2 jasqa deıingi náresteler arasyndaǵy ólimdi 49% tómendetedi. Emizýdiń ár qosymsha aıy balanyń semizdigin 4% tómendetedi. Alǵashqy alty aıynda tek emshek sútimen qorektenetin balalar dıareıa, qusý, gastroenterıt, sýyq tııý, tumaý, otıt jáne tynys joldarynyń ınfeksııalaryna sezimtaldyǵy az bolady jáne aǵzalary aýrýlarmen jaqsy kúresedi.
Densaýlyq saqtaý mınıstrligi azamattarǵa koronavırýstyń alǵashqy belgileri kezinde ózin ózi oqshaýlaýdy, úıde bolýdy jáne turǵylyqty jeri boıynsha emhanadan kómek suraýdy usynady.
ALMATY
