«Byltyr qazannan bastap qańtarǵa deıin Almaty halyqaralyq áýejaıyna 109 724 jolaýshysy bar 773 reıs keldi. Onyń ishinde COVID-19-ǵa teris nátıjesi bar anyqtamalarmen – 97430, anyqtamasyz 12294 adam kelgen. Onyń ishinde PTR-taldaýdy tapsyrǵannan keıin arnaıy karantın stasıonarynda 79 adamnyń nátıjesi belgili boldy (Túrkııadan kelgen jolaýshylar arasynda - 30 jaǵdaı, BAÁ-18 jaǵdaı, Egıpet – 23 jaǵdaı, Belarýs – 5, Ýkraına – 1, Maldıv araldarynan -2 jolaýshy). Qalanyń halyqaralyq áýejaıynda sanepıdbaqylaýdy kúsheıtý sharalary jalǵasýda. Sondaı-aq, anyqtamanyń joqtyǵynan 31 shetel azamaty keri qaıtaryldy», dedi qalalyq ákimdiktiń ókilderi.
Mamandardyń aıtýynsha, álemde epıdemııalyq ahýal nasharlap jatyr. Birqatar el ınfeksııany juqtyrý jaǵdaılarynyń ósýine jol bermeý úshin qosymsha sharalar engizip jatyr. Mysaly, Ońtústik Koreıa bıligi áleýmettik qashyqtyq saqtaýdy taǵy eki aptaǵa uzartty. 15 aqpanǵa deıin azamattarǵa COVID-19 taralýynyń jalǵasýyna baılanysty shetelge saparlardy boldyrmaý nemese keıinge qaldyrýdy usynady.
Jeksenbide Aýstrııa úkimeti Ulttyq karantındi 7 aqpanǵa deıin uzartatynyn jarııalady. Ulybrıtanııa 18 qańtardan 15 aqpanǵa deıin koronavırýstyń jańa shtamdarynyń ákelinýine jol bermeý úshin barlyq týrıstik dálizderdi jaýyp jatyr.
