Qaskúnem oqý ortalyǵynan jalpy quny 1 mln 200 myń teńge turatyn tehnıkany, atap aıtqanda "LG" markaly teledıdardy, "NR" markaly prınter men mıkrotolqyndy peshti jymqyrǵan.
Er adamnyń oqý ortalyǵyna túnde plastıkalyq terezeni syǵymdaý arqyly kirip, urlyq jasaǵany anyqtaldy. Kúdikti beınebaqylaý kamerasyna túsip qalmas úshin bet-júzin jaýyp turatyn bas kıim kıgen. Ol urlaǵan zattaryn taksıge tasyǵan, kelesi kóshede kútip turǵan taksı júrgizýshisi eshteńeden kúdiktenbegen.
Jedel-izdestirý is-sharalary barysynda buryn birneshe ret sotty bolǵan 39 jastaǵy qala turǵyny ustaldy. Kúdikti tergeý ızolıatoryna qamaýǵa alyndy. Qylmystyq is boıynsha sotqa deıingi tergep-tekserý júrgizilip jatyr.
Kúdikti urlyq jasaǵanyn moıyndady, zattaı aıǵaqtar tárkilenip, oqý ortalyǵyna qaıtaryldy.
Sondaı-aq onyń buryn elorda aýmaǵynda jasalǵan osyǵan uqsas ashylmaǵan qylmystarǵa qatysy tekserilýde. Nur-Sultan qalasynyń Polısııa departamenti shaǵyn jáne orta bıznes ıelerine obektilerin kúzet dabylymen jabdyqtaýdy usynady.
