217 oqýshy kezekshi synyptarda oqıtyndar, qalǵan 820-sy qashyqtyqtan bilim alyp jatqandar. 18 qańtardaǵy aqparatqa sáıkes 1 037 oqýshynyń 970-i qaýipti vırýstan saýyǵyp, qazirgi tańda oqýyn qaıta jalǵastyryp jatyr.

Mektep qabyrǵasynda COVID-19 vırýsyn juqtyrǵan oqýshy anyqtalǵan jaǵdaıda, sanıtarııalyq-epıdemıologııalyq talaptarǵa sáıkes, mektepterdegi koronavırýs ınfeksııasynyń oshaǵy bolyp tabylatyn synyptarǵa qashyqtyqtan oqytýǵa aýystyrý týraly qaýly shyǵaryldy. Qaýipti vırýs anyqtalǵan barlyq mektepterde epıdemııaǵa qarsy sanıtarııalyq-dezınfeksııalyq is-sharalar júrgizildi.

Oblystyq Bas memlekettik sanıtarııalyq dárigeriniń 2021 jylǵy 3 qańtardaǵy №26-2 qaýlysyna sáıkes, 2020-2021 oqý jylynyń úshinshi toqsanynan bastap kontıngenti 300 oqýshyǵa deıin qalalyq jáne aýyldyq mektepterde synyptardaǵy balalar sany 15 adamǵa deıin dástúrli formatta oqýǵa ruqsat berildi.

Synyptaǵy bala sanyn 15-ten asyrmaı, ata-analardyń ótinishi boıynsha jalpy bilim beretin mektepterde 1-den 5 (7) synypqa deıin qosa alǵanda kezekshi synyptardyń oqýyna ruqsat etilgen.

Oqý bitiretin synyptar (9, 11 (12) synyptar) aptanyń 6 kúni ishinde aralas oqý qoldanylady: pánderdiń 70%-yn shtattyq rejimde, 30%-yn qashyqtyqtan oqý formatynda júzege asyrylady.

Bilim berý mekemesi ákimshiliginiń sheshimi boıynsha sabaqtan tys ýaqytta 5 adamnan aspaıtyn toptarda oqýshylardy jeke oqytýǵa ruqsat berilgen.