Álem • 21 Qańtar, 2021

Úndistan vaksınasyna senim joq

5 ret kórsetildi

Úndistannyń Bha­rat Biotech kompanııasy ımmýndyq júıesi álsiz, allergııasy bar, qan aýrýymen aýyratyn azamattarǵa koronavırýske qarsy daıyndap jatqan vaksınasyn saldyrýdan bas tartqany durys degen málimdeme jasady.

Vaksına saldyrǵan adamda júrek soǵysy, qyshyma, bas aınalý sııaqty reaksııalar shaqyrýy múmkin. Bul málimdeme Úndistan úkimeti «Jahandyq vaksınalaýdyń úlken baǵdarlamasy» dep atalatyn jospardy tanystyrǵannan keıin jasaldy.

Jalpy, Úndistan úkimeti eki vaksına egile­tinin habarlady. Birinshisi joǵaryda atalǵan jer­gilikti kompanııa ónimi bolsa, ekinshisi – Oxford ýnı­versıteti men Ulybrıtanııanyń birlesken jobasy, AstraZeneca kompanııasy jasaǵan vaksına.  

Al vaksına jasap otyrǵan Bharat Biotech kompanııasy vaksına quramyna qatysty aqparatpen bólisken joq. Olar vaksına egýge qatysty nusqaýlyqtyń bolatynyn ǵana habarlap otyr. Osy rette Úndistan aýrýhanalary sheteldik vaksınaǵa basymdyq berip otyrǵanyn aıta ketken jón. Otandyq ónimdi tutynýshy medısınalyq ortalyqtar sany tym az. Tipti Nıý-Delı aýrýhana­laryndaǵy dárigerler Bharat Biotech vaksınasyn qoldanýdan qorqatynyn jasyrmady.

Vaksınasııalaýǵa jazylǵan myńdaǵan medısına qyzmetkeriniń onnan biri ótken aptada ekpe jasatyp úlgerdi.

Bir apta buryn jappaı egý jarııalaǵan Úndistanda búginde 381 305 adam vaksına ektirgen. Úndistan Densaýlyq saqtaý mınıstrligi 2021 jyldyń shildesine qaraı 300 mln adamǵa vaksına salyp shyǵamyz degen josparyn jarııalady.

Alǵashqy lekke kiretin dáriger, meıirger, vırýspen kúreste alǵy shepte qyzmet etetinderdi eseptegende 30 mln-ǵa jýyq adam vaksına ektiredi. Úndistan naýqastar sany boıynsha AQSh-tan keıingi orynda. Sońǵy aqparat boıynsha bul elde 10,5 mln azamat vırýs juqtyrǵan.

 

Sońǵy jańalyqtar

Teńge qymbattaıdy

Qarjy • Búgin, 17:30

Qazaqstanda 480 adam koronavırýstan aıyqty

Koronavırýs • Búgin, 09:55

«Barys» utylyp qaldy

Sport • 06 Naýryz, 2021

Almatynyń ortasyndaǵy kóshe opyrylyp qaldy

Aımaqtar • 06 Naýryz, 2021

Taraz qalasynda 135 otbasy baspanaly boldy

Aımaqtar • 06 Naýryz, 2021

Jansaı Smaǵulov júldege talasady

Sport • 06 Naýryz, 2021

Eldos Smetov kúmis aldy

Sport • 06 Naýryz, 2021

Oraldyq magıstranttar qazaq ádebıetin oqıdy

Aımaqtar • 06 Naýryz, 2021

«Qaırat» – qola júldeger

Aımaqtar • 06 Naýryz, 2021

Teńiz kenishinde 5 avtobýs otqa orandy

Aımaqtar • 06 Naýryz, 2021

Uqsas jańalyqtar