Oqıǵa • 21 Qańtar, 2021

Qardan qalanǵan «Aqbas buqa»

11 ret kórsetildi

Oral qalasyndaǵy №1 órt sóndirý bóliminiń aldynda quıryǵyn tigip, basyn tómen salyp, múıizin shaıqap turǵan alyp buqa ertegi keıipkerinen aýmaıdy. Qardan turǵyzylǵanymen, túrli-tústi boıaýmen árlengen qar-músin alystan kóz tartady. Gagarın kóshesimen olaı-bulaı ótip bara jatqan kólikterdiń keıbiri toqtaı qalyp, sýretke túsip jatady. Ondaı sátte osy músindi jasaǵan Álisher Quttyǵalıdyń boıyn maqtanysh kerneıdi.

– Ásirese balalar kelip, me­niń týyndymdy unatyp, aınal­shyqtap, kete almaı júrgende erekshe qýanamyn. Eńbegim esh ket­­pegenin túsinemin, – deıdi Oral qalalyq №1 mamandan­dyrylǵan órt sóndirý bó­li­miniń qutqarýshysy Álisher Quttyǵalı.

Bir qyzyǵy, qys kelgen saıyn dál osy jerde qardan jasalǵan túrli músin paıda bolatynyna jergilikti halyq úırenip al­dy deý­ge bolady. О́ıtkeni Álisher byltyr osy alańqaıǵa órt són­diretin mashınanyń dál kóshir­mesin qar­dan turǵyzǵan bolatyn. Onyń aldynda Jeńistiń 75 jyl­dyǵyna oraı «T-34» tankisin qar­dan qalap shyqqany da bar.

1

Músin jasaýdy bala kezinen jaqsy kóretin Álisherdiń hobbıin bıyl qalalyq Tótenshe jaǵdaılar mekemesiniń basshylyǵy da qol­­dap, «Qardan jasalǵan úz­dik músin» atty baıqaý uı­ym­­dastyrǵan. Bul baıqaýǵa tó­ten­she­likterdiń barlyq bólim­shesi men vedomstvolyq baǵy­nys­ty uıymdary qatysypty. Osy­laı­sha, aýyldar men qalada qardan jasalǵan túrli músin paıda boldy. Úzdikteri júldeli oryndarmen, arnaıy syılyqtarmen marapattalǵan. Eń bastysy, qar­dan jasalǵan óner týyndylary ýaqytsha bolsa da kórgen jan­nyń kózine qýanysh uıalatyp, estetıkalyq lázzat syılap tur.

– Bul týyndyny ulttyq brend – qazaqtyń asyl tuqymdy aq bas sıyryna barynsha uq­satqym keldi. Al sıyrdyń mú­sinin jasa­ǵan sebebim – naýryzda keletin sıyr jyly elimizge qutty, bere­keli bolsyn degen ti­legim, – deıdi Áli­sher. Laıym da solaı bolsyn!

 

Batys Qazaqstan oblysy

 

Sońǵy jańalyqtar

Teńge qymbattaıdy

Qarjy • Búgin, 17:30

Qazaqstanda 480 adam koronavırýstan aıyqty

Koronavırýs • Búgin, 09:55

«Barys» utylyp qaldy

Sport • 06 Naýryz, 2021

Almatynyń ortasyndaǵy kóshe opyrylyp qaldy

Aımaqtar • 06 Naýryz, 2021

Taraz qalasynda 135 otbasy baspanaly boldy

Aımaqtar • 06 Naýryz, 2021

Jansaı Smaǵulov júldege talasady

Sport • 06 Naýryz, 2021

Eldos Smetov kúmis aldy

Sport • 06 Naýryz, 2021

Oraldyq magıstranttar qazaq ádebıetin oqıdy

Aımaqtar • 06 Naýryz, 2021

«Qaırat» – qola júldeger

Aımaqtar • 06 Naýryz, 2021

Teńiz kenishinde 5 avtobýs otqa orandy

Aımaqtar • 06 Naýryz, 2021

Uqsas jańalyqtar