Bank málimetinshe, komıtet Memleket basshysynyń tapsyrmasymen qurylyp otyr.
«Bul Komıtet Ulttyq Banktiń basqarmasymen jáne Dırektorlar keńesimen qosa jumys atqaryp júrgen qyzmetkerlerden turatyn úshinshi organ bolady. Aqsha-kredıt saıasaty komıtetiniń quzyretine bazalyq mólsherleme týraly sheshimder qabyldaý, aqsha-nesıe saıasatynyń negizgi operasııalary boıynsha paıyzdyq mólsherlemeni belgileý jáne Ulttyq Bank Basqarmasynyń aıryqsha quzyretine kirmeıtin aqsha-kredıt saıasatynyń basqa máseleleri boıynsha sheshim qabyldaý kiredi. Orta merzimdi perspektıvada Komıtet quramyna makroekonomıka men aqsha-kredıt saıasatynda mamandandyrylǵan jáne mol tájirıbesi bar táýelsiz músheler alynady», delingen Ulttyq banktiń habarlamasynda.
