«AntikorNews» agenttiktiń BAQ-pen jáne jurtshylyqpen ózara is-qımylynyń mańyzdy quraly retinde sybaılas jemqorlyqqa qarsy kontenttiń úzdiksiz onlaın kórsetilimin qamtamasyz etip, sondaı-aq Antıkor qyzmetiniń nátıjeleri men basymdyqtary týraly jedel habarlaıdy.
P.Sádýaqastyń aıtýynsha, memlekettik jáne orys tilindegi «AntikorNews» jańalyqtary aldyn alý sharalaryna, sybaılas jemqorlyqqa qarsy zańnamaǵa, agenttiktiń qoǵamdyq alańdaǵy jumysyna qatysty máselelerdiń keń aýqymyn qamtıdy (mysaly, «Adaldyq alańy», Arnaıy monıtorıng toby, Respýblıkalyq aqparattyq-aǵartý shtaby, «Sapaly jol», «Ashyq bıýdjetterdiń ınteraktıvti kartasy», «Adal kómek», «Sanaly urpaq» jáne t.b.).
Ol apta saıyn agenttiktiń resmı saıtynda jáne áleýmettik jelilerdegi akkaýnttarynda jarııalanyp, óńirdegi barlyq telearnalardan kórsetiledi.
2020 jyly Ortalyq apparat Sybaılas jemqorlyqtyń qyzmetine týraly «AntikorNews»-tiń 40 shyǵarylymyn, aýmaqtyq departamentter 650 shyǵarylymyn ázirledi.
Spıker bul jobanyń azǵana ýaqyt aralyǵynda nátıje berip, suranysqa ıe bolǵanyn, onyń tujyrymdamasyna tipti Iordanııa Koroldiginiń Sybaılas jemqorlyqqa qarsy komıssııasynyń qyzyǵýshylyq tanytyp, óz vedomstvolarynda osyndaı jobany engizýdi josparlap jatqandyǵyn erekshe atap ótti.
«Sondaı-aq «AntikorNews» jobasynyń aıasynda 60-qa jýyq brıfıng ótkizilip, 130-ǵa jýyq jedel túsirilim jáne BAQ-ta 6,2 myńnan astam materıal jarııalandy. Sybaılas jemqorlyqqa qarsy ózekti taqyryptar boıynsha aýmaqtyq departamentter de apta saıyn ózderiniń baspasóz brıfıngterin uıymdastyrdy. Byltyr 800-den asa spıkerdiń, sondaı-aq oblys ákimderiniń (98 shara) qatysýymen 587 brıfıng ótkizildi», dedi Perızat Sádýaqas.
