Qazaqstan • 21 Qańtar, 2021

Qazaqstannyń Injenerlik áskerleriniń qurylǵanyna – 29 jyl

13 ret kórsetildi

Búgin Qazaqstannyń Injenerlik áskerleriniń qurylǵanyna 29 jyl tolyp otyr. Bul kásibı mamandarmen jasaqtalǵan, zamanaýı áskerı tehnıkamen jáne ınjenerlik qarý-jaraq quraldarymen jaraqtalǵan quramalar men áskerı bólimder.

Injenerlik áskerler 1992 jyly respýblıka aýmaǵynda ornalasqan ınjenerlik quramalar men bólimder negizinde quryldy. Bólimshelerdiń negizgi mindetteri – bógetter jasaý, kópirler ornatý, mına alańdarynan ótý joldaryn tóseý, áskerler úshin qozǵalys baǵyttaryn daıyndaý, sýdy shyǵarý men tazartý, jarylys qaýpi bar oq-dárilerdi tabý jáne zalalsyzdandyrý.

Injenerlik áskerlerdiń jeke quramy eldegi apattar men tótenshe jaǵdaılardy joıýǵa belsendi qatysady. Áskerı qyzmetshiler sel aǵyndaryn oqshaýlaý boıynsha mindetterdi oryndaıdy, orman men dala órtterin sóndirýge, adamdardy qar úıindilerinen kóshirýge qatysty.

Áskerı ınjenerlersiz eshqandaı oqý-jattyǵý ótpeıdi. Injenerlik áskerler «Batys», «Ile», «О́zara is-qımyl», «Qarataý», «Aldaspan», «Aıbalta» men t.b. strategııalyq jáne jedel-taktıkalyq manevrler kezinde óz sheberlikterin kórsetedi.

Injenerlik áskerlerdiń damýy ýaqytpen qatar júrýde. 2020 jyly 50-den astam ınjenerlik jáne arnaıy tehnıka satyp alyndy. Alǵash ret ınjenerlik áskerlerge jarylǵysh zattardy zalasyzdandyrý úshin qashyqtyqtan basqarylatyn tEODor robot-saperi, sý shyǵarý men qazirgi zamanǵy elektro-tehnıkalyq quraldarǵa arnalǵan burǵylaý qondyrǵylary ákelindi. Áskerlerde saperlerdiń qaýipsizdigin qamtamasyz etý úshin otandyq óndiristegi 500-den astam jarylystan qorǵaıtyn saper kostıými men 500 arnaıy aıaq kıim jıyntyǵy jetkizildi.

Búgingi kúni ınjenerlik áskerlerdiń jaraǵynda turǵan jeke quram men tehnıka qazaqstandyqtardyń qaýipsizdigin qamtamasyz etý úshin, sondaı-aq Qazaqstan Qarýly Kúshteriniń damýy men órkendeýi úshin qoıylǵan mindetterdi oryndaýǵa tolyq daıyn.

Sońǵy jańalyqtar

«Ýkaznoı molda»: Ol kim?

Rýhanııat • Búgin, 22:45

Qylań

Tanym • Búgin, 22:27

Ekpe saldyrýshylar sany artyp keledi

Aımaqtar • Búgin, 22:20

Saýran aýdanyna alǵashqy ákim taǵaıyndaldy

Taǵaıyndaý • Búgin, 15:52

Atyraý oblysynda 37 jańa mektep salynady

Aımaqtar • Búgin, 15:27

Jalaqysy kóp óńirler anyqtaldy

Qarjy • Búgin, 14:30

Veterınarlar qartaıyp barady

Qazaqstan • Búgin, 12:10

Uqsas jańalyqtar