Ádebıet • 21 Qańtar, 2021

Gýmanıtarlyq bilim berý salasynda konseptýaldy oılaý júıesin jetildirdi

678 ret kórsetildi

Búginde álemniń úzdik 100 oqýlyǵy qazaq tiline aýdaryldy. Bul aýdarma jumysy memlekettik «Rýhanı jańǵyrý» baǵdarlamasynyń bir baǵyty − «Jańa gýmanıtarlyq bilim. Qazaq tilindegi 100 jańa oqýlyq» jobasy aıasynda júzege asty, dep habarlaıdy Egemen.kz

Oqýlyqtar gýmanıtarlyq bilimniń barlyq baǵytyn qamtıdy. Atap aıtqanda, fılosofııa, áleýmettaný, psıhologııa, dıplomatııa, dintaný, lıngvıstıka, semıotıka, pedagogıka, ǵalamtor psıhologııasy, mádenıettaný, antropologııa, jýrnalıstıka, ekonomıka, menedjment, marketıng, kásipkerlik, halyqaralyq quqyq, ıntellektýaldyq quqyq, kınotaný, teatrtaný, shyǵys fılosofııasy, kóshbasshylyq, medıa, etnografııa salalary boıynsha 100 oqýlyq elimizdegi  130 JOO kitaphanasyna tegin taratyldy.

Dáýletbek Raev – dúnıe júziniń mańdaıaldy ýnıversıtetteriniń oqý baǵdarlamasyna engen eńbekterdi qazaq tiline aýdarýǵa úles qosqan ǵalymdardyń biri. Ol fılosofııa ǵylymdarynyń doktory, Abylaı han atyndaǵy Qazaq halyqaralyq qatynastar jáne álem tilderi ýnıversıtetiniń professory. Biz ǵalymnyń otandyq oqýlyq aýdarý tájirıbesi týraly oıyn  surap-bildik.

Dáýletbek Raev, fılosofııa ǵylymdarynyń doktory: «Jańa gýmanıtarlyq bilim. Qazaq tilindegi 100 jańa oqýlyq» jobasy otandyq ári TMD elderiniń bilim berý salasynda teńdesi joq tyń ıdeıa bolǵany anyq. Mundaǵy basty maqsat – qazaq tildi stýdentterge memlekettik tilimizde bilim alýǵa jol ashý, álemdik bedeldi avtorlardyń eńbegin qazaq tilinde oqýǵa múmkindik berý, jastardy álemdik bilim men mádenıet kózderinen sýsyndatý», dep aıtty.

1

Sondaı-aq Dáýletbek Raev oqýlyqtardy aýdarý arqyly salalyq jáne pándik oqytýdyń teorııalyq-ádistemelik bazasyn keńeıtýge múmkindikter jasalyp jatqanyn tilge tıek etti.

«О́ıtkeni elimizde bilim alýshylar men bilim berýshilerdiń bári birdeı batys pen shyǵys tilderin jaqsy bilmeıdi. Sondyqtan sheteldiń tanymal joǵary oqý oryndarynda qoldanylatyn, birneshe basylym suranysyna ıe bolǵan kitaptardyń túpnusqadan tikeleı memlekettik tilge aýdarylýy – otandyq ǵalym-aýdarmashylar úshin zor mártebe ári úlken stımýl. Bul aýdarma úderisi elimizde aýdarmashylar mektebin qalyptastyra aldy ári sol mektepte bilikti mamandar kásibıligin arttyrsa, jańadan qosylǵan jastar tájirıbe jınady», deıdi Dáýletbek Raev.         

1                       

Dáýletbek Raevtyń aıtýynsha, tipti aýdarmashylar áleýmettik ınstıtýt retinde úlken synnan ótken.

«Men belgili fransýz ǵalymy Remı Hesstiń «Fılosofııanyń tańdaýly 25 kitaby», Robert Tragerdiń «Dıplomatııa. Kommýnıkasııa jáne halyqaralyq tártip negizderi», fransýz fılosofy Jıl Delózdiń «Kıno 1. Qozǵalys-beıne», Kıno 2. Ýaqyt-beıne» dep atalatyn týyndylaryn aýdarý jumysyna ǵylymı redaktor retinde qatystym. Bertran Rasseldiń «Batys fılosofııasynyń tarıhy» eńbegi men birneshe oqýlyqqa sarapshy boldym», dep aıtyp ótti ǵalym.

Jobada túpnusqadaǵy ár oıdyń tutastyǵy men dáldigin joǵaltpaı, durys aýdarylýyna basa nazar aýdaryldy.

1

Fılosofııa ǵylymdarynyń doktory: «Ulttyq aýdarma bıýrosy osyndaı aýqymdy jumysty kásibı negizde uıymdastyrýǵa barynsha tyrysty. Jalpy bizde salalyq aýdarmashylar óte az. Sondyqtan tildi jaqsy biletin aýdarmashy men sol salanyń mamany birlese jumys istedi. Aýdarý jáne ǵylymı redaktor jumysynda qıyndyq bolmady dep aıtsaq, jalǵan bolar edi. Túpnusqa kitaptardyń tili men stıli kúrdeli. Sondyqtan osy kitaptarǵa jaýapty shyǵarmashylyq top termındik, sımvoldyq turǵyda óte kóp izdendi. Bul izdenis aýdarmashylardyń semantıkalyq tanymyn keńeıtti, oıdy jetkizý men baıandaýdaǵy kásibı sheberligin arttyrdy», dep tolyqtyryp ótti.

Aıta keteıik, álemniń 100 oqýlyǵyn aýdarý – gýmanıtarlyq bilim berý salasyndaǵy konseptýaldy oılaý júıesin jetildirýge negiz bolǵan.

«Ulttyq termınjasam júıesin jandandyrdy. Elimizdegi aýdarma salasynyń salalyq tynysyn asha tústi ári gýmanıtarlyq bilimniń ár salasynda aýdarmashylar qaýymdastyǵy qalyptasty desek, qatelespeımiz», dep túıindedi Dáýletbek Raev.

 

Sońǵy jańalyqtar

Suıytylǵan gaz baǵasy óspeıdi

Qoǵam • 01 Shilde, 2022

Uqsas jańalyqtar