Shabyt shaqyrar ólke

Qulbatyrov óz shyǵar­ma­shylyǵynda qala peızajdaryn jan-dúnıesimen jyrlaıdy. Onyń kenebinde Almatynyń jańa dańǵyldary men eski kósheleri keshe men búgindi ózara sabaqtastyryp, tabıǵat pen adam mineziniń yrǵaqtaryn úndestire túsedi. Qala peızajdary galereıasynda Almatydan basqa Aqtaý, Atyraý, Aqtóbe, Mańǵystaý, Ystanbul, Rım, Rýan sııaqty qalalar men qala mańynyń jáne ózi saıahattap barǵan jerleriniń kórinis-kelbetin sýretteıtin peızajdary da bar. Aqpan aıynyń jetisine deıin jalǵasatyn kezekti kórmeden qylqalam ıesiniń ózi ónerge úkilep qosqan perzenti Jansaıanyń da erekshe qoltańbasyn tamashalaýǵa bolady. «Almaty Gallery» or­talyǵynda shymyldyǵyn túr­gen mádenı shara alma­ty­lyqtar men qala qonaqtary úshin tegin.

– Rashıd Qulbatyrov ju­mystaryn kóbinese plenerge shyǵyp, tabıǵat aıasynda jazǵandy jany súıedi, sebebi bul – onyń shyǵarmashylyǵyna dem beretin qýat kózi. Qala men onyń mańyn jazǵanda Ra­shıd joramalǵa jol ber­meıdi, ıaǵnı dalaly jer men taýly ólkedegi aýyldardy, olardyń ómir tirshiliginiń erek­sheligin qosa baıandaǵan kezde, shyǵarmashylyq pro­ses­ke tolyǵymen berilip, en­digi jerde qylqalamymen emes, janymen jaza bastaıdy. Adam júreginiń genetıkalyq ja­dy bar desedi. Kóshpendiler urpaǵynyń boıyndaǵy qan dala adamdarynyń tynysh ári emin-erkin ómir yr­ǵa­ǵyn rahattana baıandaı­tyn kes­kindemesiniń shyǵar­ma­shy­lyq oıymen birge jyljı aǵady, – deıdi óner­tanýshy Oksana Tanskaıa.

О́nerdegi áriptesteri ony «tabıǵat landshaftary men qala ansamblderiniń jyrshysy» dep beker atamasa ke­rek. Qylqalamyn asa she-ber­likpen jeńil tartatyn onyń kenebinen Qazaqstan men Eýropanyń úlkendi-kishili qalalarynyń panoramalaryn, qazaq da­la­synyń shetsiz de sheksiz jazı­rasyn, Ile Ala­taýyndaǵy jo­talardyń bıik shyńdaryn, Kas­­pıı teńi­ziniń ásem kóri­nisin, kósh­pen­dilerdiń dástúrli aýyl­da­rynyń tur­mys­tyq kompozısııalaryn kóp­tep kez­des­tirýge bolady. Sý­ret­shi­niń kar­tı­nalary Kanada, Ame­rıka, Ger­­­manııa, Fran­sııa, Túr­kııa, Gre­kııa jáne Che­hııada jeke kol­leksııalarda saq­taýly.

«Kórmege óner ıesiniń Qa­zaq­stannyń túkpir-túkpirin, keń baıtaq jerimiz ben salt-dás­tú­rimizdi kórsetetin tý­yn­­­dy­lary qoıyldy. Tá­ýel­si­zdigimizdiń mereıli bele­sine oraı osynaý ıgi bastama júıe­li jalǵasyp, basqa da úzdik sýret­shilerdiń týǵan jer ta­qy­­rybyn asqaqtatqan shy­ǵar­malaryn kópshilik nazaryna usynatyn bolamyz», deıdi qa­lalyq Mádenıet basqarmasy basshysynyń orynbasary Danııar Álıev.

ALMATY