Arystandy izdeýge Shymkent qalasy PD Jergigilikti polısııa qyzmeti basqarmasy jáne Ál-Farabı aýdany Polısııa basqarmasynyń qyzmetkerleri jumyldyryldy. Tártip saqshylary jaqyn mańdaǵy aýmaqtardy aralap, onyń júrýi múmkin barlyq jerlerdi tekserdi, turǵyndardan surastyrdy. Sondaı-aq jergilikti turǵyndar da polısııaǵa jan-jaqty kómek kórsetti.
21 qańtarda birlesken is-áreketterdiń nátıjesinde Shymkent qalasy PD Ál-Farabı aýdanynyń Polısııa basqarmasynyń qyzmetkerleri arystannyń júrgen jerin anyqtap, Haıýanattar baǵynyń qyzmetkerlerine tapsyrdy.
Esterińizge salsaq, 2021 jyldyń 19 qańtarynda “Instagram” áleýmettik jelisindegi paraqshalardyń birinde azamattardyń qonaq úıde arystan kórgeni týraly beınejazba jarııalanǵan bolatyn. 20 qańtarda Shymkent qalasynyń PD Ál-Farabı aýdanynyń PB qyzmetkerleri atalǵan jaıt boıynsha QR Qylmystyq kodeksiniń 339-babymen (О́simdikterdiń nemese janýarlardyń sırek kezdesetin jáne quryp ketý qaýpi tóngen, sondaı-aq paıdalanýǵa tyıym salynǵan túrlerimen, olardyń bólikterimen nemese derıvattarymen zańsyz aınalysý) sotqa deıingi tergep-tekserýdi bastady. Qazirgi tańda oqıǵanyń mán-jaıy anyqtalýda.
