Daý týyndaǵan jaǵdaıda aǵaıyn-týys, kórshi-qolań, dos-jaran arasyna túsip, basý aıtyp keledi. Osylaısha olar máseleni úlken daý-janjalǵa jetkizbeı, taraptardy tatýlastyryp, ortaq mámilege kelýine súbeli úles qosýda.
О́tken jyly uıymdastyrylǵan is-sharalardyń nátıjesinde oblys boıynsha 1361 daý medıasııa rásimi arqyly sotqa deıingi jáne sot barysyndaǵy tártippen, medıatorlardyń qatysýymen oń sheshilgen. Qazaqstan halqy assambleıasynyń Túrkistan oblysy boıynsha medıasııa keńesiniń kezekti otyrysynda medıasııa keńesiniń tóraǵasy Ǵanı Rysbekov óńirde bolǵan qylmystar men otbasylyq janjaldardy sheshýdegi medıatorlardyń yqpaly týraly baıandady.
«О́tken jylǵy karantın barysynda muǵalim men oqýshy, ustaz ben ata-ana arasyndaǵy shıelenis kúrdeli jáıtke aınaldy. Bıyl máselelerdi sheshýge moderatorlyq jasaqtyń jospardan aýytqymaı atqarylýy arnaıy mamandarǵa tapsyrylady», dedi Ǵ. Rysbekov.
Al óńirdegi medıasııa ınstıtýtyn damytý baǵytynda atqarylǵan jumystar týraly baıandaǵan Túrkistan oblystyq sotynyń sýdıasy Baýyrjan Táńirberdıev oryn alǵan qylmys, zańbuzýshylyq faktorlaryna toqtalyp ótti.
«Turǵyndar arasynda týǵan daý-damaıdy sheshýde jurt aýyl aqsaqaldaryna nemese zańnan habary bar tulǵalarǵa júginedi. Buqaranyń quqyq qorǵaý organdaryna júginýden qashqaqtaıtyndyǵy da bar. Osy oraıda halyqtyń saıası saýattylyǵyn arttyrý kerek», dedi B. Táńirberdıev.
Sondaı-aq «Jastar resýrstyq ortalyǵy» basshysy Amalbek О́mirtaı jastar arasynda jıi kezdesetin problemalardy atap, olardy sheshý joldaryn jetkizdi.
Túrkistan oblysy
